1. Die Wes-Kaap Onderwysdepartement (WKOD) maak groot erns daarmee om vakante opvoedersposte permanent te vul omdat dit beduidend tot stabiliteit in die onderwysprofessie sal bydra.
2. Daar is besluit om die datum waarop inrigtings toegang tot die elektroniese vakaturelys op die webblad kan verkry na 27 Junie 2007 te verander. Dit sal skole in staat stel om nuwe vakatures by te voeg wat ontstaan het as gevolg van die aanstellings wat gemaak is in poste wat in Vakaturelys 1/2007 geadverteer is.
3. Die nuwe sluitingsdatum het dit genoodsaak om al die datums soos gemeld in DPE Minuut 0006/2006 van 4 Desember 2006, te hersien. Die volgende tabel bevat die hersiene datums wat van toepassing is op die adverteer van vakante befondste poste in die komende Vakaturelys 2/2007:

AKSIEDATUM
WKOD open die elektroniese vakaturelys vir inrigtings27 Junie 2007
Sluitingsdatum vir prinsipale om vakatures op webwerf in te voer20 Julie 2007
Kringbestuurders moet advertensies nagaan en verifieer27 Julie 2007
WKOD moet vakaturelys druk en uitreik3 Augustus 007
Sluitingsdatum vir ontvangs van aansoeke24 Augustus 2007
WKOD stuur aansoeke aan skole19 September 2007
Sluitingsdatum vir beheerliggame/rade om nominasies by WKOD in te dien25 Oktober 2007
WKOD moet nominasies goedkeur30 November 2007
Datum van aanstelling1 Januarie 2008
4. Die samewerking van alle betrokkenes sal baie waardeer word.


GETEKEN: J.H. HURTER
HOOF: ONDERWYS
DATUM: 2007:06:26