AAN: | OBOS-DIREKTEURE, SENIOR KRINGBESTUURDERS, KRINGBESTUURDERS EN PRINSIPALE EN VOORSITTERS VAN BEHEERLIGGAME VAN OPENBARE GEWONE SKOLE |
| VERSKUIWING VAN FONDSE TUSSEN NORME-EN-STANDAARDE-ITEMS 2007/2008 |
| 1. |
Die verskuiwing van fondse op die basiese rekenkundige stelsel (BAS) word sedert die 2006/2007 finansiële jaar deur die Direktoraat: Begrotingsbestuur uitgevoer. Die verskuiwings word egter tans deur die Direktoraat: Logistieke Dienste gedoen wat dit dan aan die Direktoraat: Begrotingsbestuur voorlê sodat aanpassings gedurende November 2007 d.m.v die aansuiweringsbegroting op BAS gemaak kan word.
|
| 2. |
Alle skole wat om verskuiwing van fondse wil aansoek doen, moet sulke aansoeke voor of op 15 Oktober 2007 by die Afdeling: Skolebegrotings (6de vloer, Kamer 625) indien. Aansoeke moet vergesel word van 'n gewysigde WKOD 032-vorm, wat die aanpassings aandui.
|
| 3. |
Indien die skole as gevolg van die verskuiwing nou minder as 60% van hul totale toekenning aan handboeke bestee, moet daar op die WKOD 032-vorm bevestig word dat elke leerder 'n handboek het vir elke leerarea.
|
| 4. |
Die WKOD 032-vorm moet onderteken word deur die prinsipaal, voorsitter van die beheerliggaam en kringbestuurder.
|
GETEKEN: W.L. CARELSE
HOOF: ONDERWYS
DATUM: 2007:09:06
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
