1. Een van die kritieke uitkomste soos vervat in die uitkomsgebaseerde Nasionale Kurrikulumverklarings vereis dat leerders in staat moet wees om inligting te "versamel, ontleed, organiseer en krities te evalueer", m.a.w. om inligtingsvaardighede aan te leer. In ons skole is biblioteke die sleutel tot inligtingstoegang.
2. Dit is dus noodsaaklik dat 'n wye reeks biblioteekbronmateriaal, bo en behalwe handboeke en leesboeke, beskikbaar moet wees om leerders in staat te stel om
  • geletterdheidsvaardighede te verbeter, bv. lees, spel, begrip en skryf.
  • syfervaardighede te ontwikkel.
  • toegang te verkry tot inligtingsbronne wat 'n integrale deel vorm van die effektiewe oordrag van e-leer.
  • inligting te interpreteer ten einde nuwe, geďndividualiseerde kennis te skep.
  • bewus te word van vooroordeel, onakkurate en onvolledige inligting.
  • ingeligte besluite wat gebaseer is op ontleding en evaluering van relevante inligting te neem.
  • op 'n multivlakwyse te dink.
3. Biblioteekbronmateriaal sluit in:
  • naslaanwerke (ensiklopedieë, atlasse, woordeboeke, ens.)
  • niefiksie (boeke wat feite en inligting bevat)
  • fiksie (romans, kortverhale, fabels, legendes, prenteboeke, ens.)
  • plakkate en pamflette
  • tydskrifte en koerante
  • voorafopgeneemde oudiokassette, CD's, video's, DVD's en CD-ROM's
  • multimediapakkette
4. Die Norme-en-standaardetoekenning aan skole maak voorsiening vir die aankoop van biblioteekbronmateriaal (asook vir handboeke en leesboeke). Die volgende inligting in Omsendbrief 0049/2006 het hierop betrekking:
4.1 Daar word voorgestel dat alle skole 60% van hulle toewysing moet gebruik vir die aankoop van "handboeke en ander boeke" (paragraaf 5.1 van die omsendbrief).
4.2 Biblioteekbronmateriaal word ingesluit in die term "ander boeke" (paragraaf 4 van Bylae A).
4.3 Alle skole moet die Voorkeurverkrygingsbeleid van die provinsie nakom in die aanwending van die N&S-toekenning vir aankoop van handboeke en ander boeke, insluitende biblioteekbronmateriaal (paragraaf 5.1.1 (b) van die omsendbrief).
4.4 Artikel 21-skole moet self hulle LOOM aankoop, insluitende biblioteekbronmateriaal, en ander uitgawes aangaan (paragraaf 5.1.1 (d) van die omsendbrief).
4.5 Alle nie-artikel 21-skole moet "handboeke en ander boeke", insluitende biblio-teekbronmateriaal, aanvra deur Vorm WKOD-034 (paragraaf 3.2 van Bylae A) voor te lę aan die LOOM-projekbestuurder: Blok C, OBOS Metropool-Oos, Nooiensfonteinweg, Kuilsrivier, 7580 (paragraaf 2 van Bylae A).
4.6 Die afsnydatum vir die hoofrekwisisies van "handboeke en ander boeke" vir nie-artikel 21-skole word aangegee as Donderdag, 26 April 2007 (paragraaf 3.5 van Bylae A). Rekwisisies vir biblioteekbronmateriaal vir nie-artikel 21-skole kan egter tot 18 Julie 2007 voorgelę word as addisionele bestellings (indien skole alreeds hulle hoofrekwisisievorm op vorm WKOD-034 aan die Kuilsrivier-kantoor versend het). Die befondsing vir hierdie biblioteekbronmateriaal moes ingesluit gewees het in die fondse wat toegeken is vir LOOM (totale bedrag vir handboeke en ander boeke) op die skoolbegrotingsvorm WKOD-032 van 2007/08.
4.7 Addisionele bestellings vir LOOM (leer- en onderrigondersteuningsmateriaal, insluitende biblioteekbronmateriaal) kan egter tot 30 November 2007 (paragraaf 3.5.2 van Bylae A) voorgelę word.
5. Vir meer inligting en leiding in bogenoemde verband, tree asseblief in verbinding met me Theresa Bergsma by EDULIS (WKOD Onderwysbiblioteek- en Inligtingsdiens) by tel. 021 957 9638; faks 021 948 0748; e-pos tbergsma@pgwc.gov.za


GETEKEN: F.A. BOOYSE
HOOF: ONDERWYS
DATUM: 2007:04:20