AAN: | HOOFDIREKTEURE, DIREKTEURE (HOOFKANTOOR EN DISTRIKSKANTORE), SENIOR KRINGBESTUURDERS, KRINGBESTUURDERS, HOOFDE VAN OPENBARE SKOLE EN VOORSITTERS VAN SKOOLBEHEERLIGGAME |
| GEVORDERDE ONDERWYSSERTIFIKAAT: WISKUNDIGE GELETTERDHEID |
| 1. |
Die WKOD kondig met genoeë aan dat 160 beurse beskikbaar gestel gaan word aan onderwysers wat graag die Gevorderde Onderwyssertifikaat (GOS) in Wiskundige Geletterdheid (WG) wil verwerf.
|
| 2. |
Hierdie GOS-kursus sal deeltyds aangebied word vanaf Januarie 2008 tot Desember 2009. Dit sal lei tot 'n NKR Vlak 6-kwalifikasie.
|
| 3. |
Elke beurs sal onderrig- en registrasiegelde dek, sowel as akkommodasiegeld by die koshuise van die betrokke tersiêre inrigtings.
|
| 4. |
Vervoerkoste na en van die opleidingslokaal sal deur die WKOD gedra word. Onderwysers sal egter verantwoordelik wees vir die koste van hulle onderrigondersteuningsmateriaal.
|
| 5. |
Die kursus sal aangebied word deur die Universiteit van die Wes-Kaap (UWK), die Universiteit van Stellenbosch (US), die Universiteit van Kaapstad (UK) en die Kaapse Skiereiland Universiteit van Tegnologie (KSUT) aan studente van die Wes-Kaap. Reëlings vir die kursusse by die onderskeie instellings is soos volg:
| | Registrasie-datum | Aanvang van klasse | Klasreëlings |
| UWK & UK | 15/01/2008 | 01/02/2008 | 2 x 3 uur per week (Engels) |
| KSUT | 01/02/2008 | 01 & 02/02/2008 | Vrydae en Saterdae (Engels)
Akkommodasie beskikbaar |
| US | 07/01/2008 | 07 to 11/01/2008 | 5 weke per jaar (Bloksessie
gedurende vakansies)
Akkommodasie by US
(Hoofsaaklik in Afrikaans) |
|
| 6. |
Die volgende sal voorkeur geniet by die keuringsproses:
- Onderwysers met geen WG-kwalifikasie wat WG onderrig aan graad 10, 11 & 12
- Onderwysers wat graad 8 & 9 Wiskunde onderrig en toegang het tot WG-klasse of wat na WG-klasse sal skuif
- Onderwysers met geen formele kwalifikasie in wiskunde wat Wiskunde op matriekvlak onderrig
- Onderwysers wat nie oor Wiskunde op matriekvlak beskik nie
|
| 7. |
Onderwysers wat verlang om in aanmerking te kom vir 'n kursusbeurs word versoek om afskrifte van die aangehegte Bylaes A en B in te vul en aan die Departement via skoolprinsipale voor te lê. Aansoeke moet die volgende adres bereik teen Maandag, 19 November 2007.
Die Hoof: Onderwys
Vir aandag: Mnr G de Bruyn (Kamer 8-78)
Direktoraat: Interne Menslikekapitaalontwikkeling
Wes-Kaap Onderwysdepartement
Privaatsak X9114
KAAPSTAD
8000
|
| 8. |
Bring asseblief die inhoud van hierdie minuut onder die aandag van alle betrokkenes.
|
GETEKEN: E. KIRSTEN
HOOF: ONDERWYS
DATUM: 2007:11:16
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
