1. Die Nasionale Kurrikulumverklaring (NKV) graad 10 - 12 (Algemeen) word geleidelik geïmplementeer tydens die tydperk 2006 tot 2008. Aangesien ‘n groot getal permanente WKOD-onderwysers ondergekwalifiseer is in die bogenoemde vakke, sal die Wes-Kaap Onderwysdepartement (WKOD) opleiding aan ongeveer 70 onderwysers verskaf sodat hulle hulle vakkennis en professionele vaardighede in hierdie vakke kan verbeter.
2. Die GOS-kursus sal aangebied word as ‘n deeltydse kursus vanaf Januarie 2008 tot Desember 2009. Dit sal lei na ‘n NKR-vlak 6-kwalifikasie en sal afstandsleer sowel as kontaksessies gedurende naweke en skoolvakansies kombineer.
3. Die WKOD bied beurse aan wat die onderrig- en registrasiegelde vir die twee kursusse sal dek. Gedurende die kontaksessies sal ongeveer 15 onderwysers per vak vanaf landelike gebiede op die WKOD se onkoste geakkommodeer word in studentekoshuise by die toepaslike inrigtings vir hoër onderwys.
4. Vervoerkoste na en van die opleidingsplek sal deur die WKOD gedek word. Onderwysers sal egter verantwoordelik wees vir die koste van hulle eie leerondersteuningsmateriaal.
5. ‘n Totaal van ongeveer 70 onderwysers, ongeveer 35 per kursus, sal vir die program gekeur word.
6. Die volgende onderwysers kom in aanmerking vir hierdie kursusse:
  • Voltydse onderwysers in diens van die WKOD (Voorkeur sal verleen word aan onderwysers wat tans die bogenoemde vakke in graad 10 tot 12 aanbied.)
  • Onderwysers met ‘n driejaardiploma
  • Onderwysers met ‘n graad en ‘n professionele kwalifikasie, maar met geen formele kwalifikasie in bogenoemde vakke nie
  • Vir die GOS-kursus in Fisiese Wetenskappe is dit 'n vereiste dat onderwysers Wiskunde in matriek op die Hoërgraad of Standaardgraad moes geslaag het.
7. Die kursus sal die volgende elemente van die Nasionale Kurrikulumverklaring dek vir Verdere Onderwys en Opleiding (graad 10 - 12) en/of die HNKV (AOO):
  • Die beginsels van die NKV en/of die HNKV
  • Die leeruitkomste en assesseringstandaarde
  • Die kennisgebiede
  • Uitkomsgebaseerde metodologie (leer-, onderrig- en en assesseringstrategieë
  • Die keuring van ondersteuningsmateriaal, wat insluit rekenaarsagteware
8. Kontaksessies sal gedurende skoolvakansies plaasvind en die eerste kontaksessie sal van 7 tot 11 Januarie plaasvind.
9. Onderwysers wat aansoek wil doen om ‘n beurs, moet die aangehegte aansoekvorm voltooi en voorlê aan die Departement, via hulle skoolhoofde. (Leesbare fotostatiese afdrukke sal aanvaar word.) Aansoeke moet die volgende adres teen Vrydag, 9 November 2007 bereik: 
          Hoof: Onderwys 
          (Aandag mnr G de Bruyn, Kamer 8-78) 
          Direktoraat: Interne-mensekapitaalontwikkeling
          Wes-Kaap Onderwysdepartement 
          Privaatsak X9114
          Kaapstad
          8000
10. Bring asseblief die inhoud van hierdie minuut onder die aandag van alle betrokkenes.


GETEKEN: E KIRSTEN
HOOF: ONDERWYS
DATUM: 2007:10:30

Aansoekvorm  (grootte: 29 KB)
Bylae B: "Agreement on payment of tuition fees from state funds"  (grootte: 17 KB)