1. Die Wes-Kaap Onderwysdepartement (WKOD) het besluit om twee vakaturelyste vir 2008 uit te reik. Die vakaturelyste sal Posvlak 1- en bevorderingsposte (insluitende prinsipaalsposte) bevat.
2. Prinsipale en beheerliggame word vriendelik versoek om seker te maak dat advertensies elektronies ingevul word op die konsepvakaturelys op die WKOD se webwerf by http://wced.wcape.gov.za. Advertensies moet elektronies ingedien word. Geen advertensievorms sal aanvaar word nie. Prinsipale moet hul kringbestuurders raadpleeg indien hulle probleme sou ondervind met die invul van die advertensies op die konsepvakaturelys op die webwerf. Raadpleeg asseblief Omsendbrief 0010/2005 van 18 Julie 2005 (afskrif aangeheg) in hierdie verband. Prinsipale wat nie toegang tot die webwerf kan verkry nie moet asseblief hul kringbestuurders skakel.
3. Die volgende tabel dui die beoogde datums van publikasie van vakaturelyste en ander belangrike datums aan:

POSTE BY OPENBARE GEWONE SKOLE EN OPENBARE SPESIALE SKOLE

AksieVakaturelys
 Vakaturelys 1/2008Vakaturelys 2/2008
Posvlak 1- en bevorderingsposte (prinsipaalsposte ingesluit)Posvlak 1- en bevorderingsposte (prinsipaalsposte ingesluit)
WKOD open die elektroniese vakaturelys vir inrigtings en kringbestuurders op14 Januarie 200826 Junie 2008
Prinsipale moet vakatures op webwerf invoer
SLUITINGSDATUM:

25 Januarie 2008

19 Julie 2008
Kringbestuurders moet advertensies nagaan en verifieer1 Februarie 200825 Julie 2008
WKOD moet vakaturelys druk en uitreik teen8 Februarie 20086 Augustus 2008
SLUITINGSDATUM VIR ONTVANGS VAN AANSOEKE:
3 Maart 2008
28 Augustus 2008
WKOD stuur aansoeke aan skole teen14 Maart 200823 September 2008
SBL'e moet nominasies by WKOD indien
SLUITINGSDATUM:

20 Mei 2008

30 Oktober 2008
WKOD moet nominasies goedkeur teen12 Junie 200828 November 2008
Datum van aanstelling:1 Julie 2008 /
1 Januarie 2009		1 Januarie 2009
4. Die samewerking van alle betrokkenes sal die suksesvolle bestuur van hierdie belangrike taak verseker en sal hoog op prys gestel word.


GETEKEN: C.J. FOURIE
HOOF: ONDERWYS
DATUM: 2007:11:30