1. Ingevolge die Suid-Afrikaanse Skolewet, 1996, is die Wes-Kaap Onderwysdepartement (WKOD) vir die verskaffing van openbare gewone onderwys vanaf graad 10 tot 12 verantwoordelik.
2. In die nakoming van hierdie verpligting is een van die belangrike doelstellings van die WKOD om vas te stel wat die funksionaliteit van wetenskaplaboratoriums en voorraad op hande by sy skole is.
3. Om dit te kan doen, versoek die WKOD elkeen van sy openbare gewone skole wat Natuur-en Skeikunde / Fisiese Wetenskappe, Biologie / Lewenswetenskappe en/of Landbouwetenskap in graad 10 tot 12 aanbied om 'n oudit te doen van sy laboratoriums en aan te dui wat tans op voorraad is. Om met hierdie taak te help is 'n vraelys aangeheg.
4. Die vraelys moet deur al die betrokke skole voltooi word en aan die Hoofkantoor terugbesorg word om dit teen nie later nie as 01 November 2007 te bereik. Stuur die voltooide vraelys aan: 
Hoof: Onderwys
Vir aandag: mnr. Don Francis
Wes-Kaap Onderwysdepartement
Kamer 831
Grand Central Towers
Privaatsak X9114
Kaapstad 
8000

'n Kopie moet ook per e-pos gestuur word aan dfrancis@pgwc.gov.za. Tik asseblief in die onderwerpblokkie ("Subject" box) die volgende woorde slegs in Engels en presies soos wat dit geskryf is: Functionality of Science Laboratories
5. Bring asseblief die inhoud van hierdie kurrikulumminuut onder die aandag van alle betrokkenes.


GETEKEN: M. CAMERON
HOOF: ONDERWYS
DATUM: 2007:08:15

Vraelys  (grootte: 112 KB)