| 1. |
Soos bekend gemaak in die Ouditeur-generaal se verslag, word probleme steeds ondervind met die terugsending van gesertifiseerde betaalstate deur betaalpunte. Die volgende is voorbeelde hiervan:
- Betaalstate word nie betyds na Hoofkantoor teruggestuur nie
- Nie alle betaalstate word deur betaalpunte teruggestuur nie
- Geen betaalstate word aan Hoofkantoor teruggestuur nie
- Betaalstate word nie gesertifiseer en geteken nie
|
| 2. |
U word versoek om gesertifiseerde betaalstate soos voorgeskryf in te dien. Die WKOD moet toesien dat alle gesertifiseerde betaalstate wat terugontvang word, gesertifiseer word en dat dit voldoen aan die bepalings van Nasionale Tesourieregulasies (NTR's) saamgelees met Wes-Kaap Tesourie-instruksies Hoofstuk 8.3.4 en 8.3.5 wat soos volg lees:
"Die persoon in beheer van die onderskeie betaalpunte moet ten opsigte van alle werknemers, op betaalstate sertifiseer dat die persone daarop gelys op die salaris geregtig is. Persone wat per tjek betaal word, moet op die betaalstaat vir die ontvangs daarvan teken"
en
"Die betaalstaat moet binne tien (10) dae na sertifisering aan die Hoof Finansiële Beampte teruggestuur word. Die Rekenpligtige Beampte (Hoof van WKOD) moet verseker dat alle betaalpuntsertifikate op 'n maandelike basis ontvang word."
|
| 3. |
By ontvangs van die betaalstaat moet die persoon in beheer van die betaalpunt die sertifikaat aan die einde van die betaalstaat onderteken, 'n afskrif daarvan vir rekorddoeleindes maak en die oorspronklike gesertifiseerde betaalstaat binne tien (10) dae terugstuur aan die volgende adres:
Direkteur: Rekenmeestersdienste
Wes-Kaap Onderwysdepartement
Seksie: Betaalstaatbeheer (7de Vloer)
Privaatsak X 9114
Kaapstad
8000
(Vir aandag: Mnr. WF Julies)>
|
| 4. |
Gevalle soos bedankings, sterftes, oorplasings en/of enige ander foute moet op die betaalstaat aangedui word om die nodige regstellings op PERSAL te bewerkstellig.
|
| 5. |
Aanstelling as betaalmeester vir 'n Betaalpunt:
|
| 5.1 |
Ingevolge die voorskrifte, sal 'n brief van aanstelling as betaalmeester binnekort aan alle betaalmeesters vir voltooiing gestuur word wat dan aan Hoofkantoor aan die adres soos genoem in paragraaf 3 teruggestuur moet word.
|
| 5.2 |
Indien die betaalmeester se status verander, moet Hoofkantoor skriftelik daarvan in kennis gestel word.
|
| 6. |
Neem asseblief kennis dat hierdie Rekenmeestersdiensteminuut, Onderwys Finansies-opdrag 15/2001 gedateer 30 Augustus 2001 vervang.
|
| 7. |
U samewerking in hierdie verband sal waardeer word.
|
GETEKEN: R.M. MATLI
HOOF: ONDERWYS
DATUM: 2007:08:08
|