| 1. |
As werknemers van die Wes-Kaap Onderwysdepartement is dit ons almal se wens om ‘n leeskultuur in ons skole en gemeenskappe te kweek. Prinsipale word dus aangemoedig om van hierdie geleentheid van Kaapstad se eerste internasionale boekeskou ooit gebruik te maak, om ‘n leeskultuur onder ons jongmense, hulle onderwysers en hulle ouers te bevorder.
|
| 2. |
Die Kaapstadse Boekeskou sal in die Kaapstadse Internasionale Konvensiesentrum gehou word. Dit sal duisende besoekers aanlok na ‘n asemrowende verskeidenheid uitstallings en gebeurtenisse met plaaslike sowel as eksotiese geure. Dit lei geen twyfel dat hierdie skou ‘n diepe indruk sal maak op jongmense se verbeeldings en dat dit ook onderwysers sal inspireer deur aanbiedinge van onderwerpe wat wissel van die popularisering van lees tot pogings om boeke meer toeganklik vir almal te maak. Hoë-profiel plaaslike en oorsese outeurs, sowel as ‘nuwe stemme’, sal by hierdie geleentheid teenwoordig wees. Die internasionale mengsel van toeriste, sakemanne, kinders, bibliotekarisse en lede van die publiek sal hiervan ‘n onvergeetlike letterkundige geleentheid maak.
|
| 3. |
Die skou sal daagliks vanaf 09:00 tot 17:00 oop wees, vanaf Saterdag, 17 Junie tot Dinsdag, 20 Junie. Die toegangsgeld is R30.00 vir volwassenes en R10.00 vir skoliere en pensioenarisse. Besonderhede van spesifieke gebeurtenisse sal in die media en ook op die volgende webtuiste verskyn: http://www.capetownbookfair.com. Vir verdere inligting kan u die boekeskoukantoor skakel by telefoon 021 422 5004. Die program is aangeheg.
|
| 4. |
Prinsipale word sterk aangeraai om van hierdie geleentheid gebruik te maak om geletterdheid te bevorder deur lede van hulle skole en gemeenskappe aan te moedig om die skou by te woon. Dit bied ‘n uitstekende geleentheid om die aandag te vestig op lees as die grondslag van leer.
|
GETEKEN: J.P. RAULT-SMITH
HOOF: ONDERWYS
DATUM: 2006:06:13
|