1. stiptelike en gereelde bywoning by openbare skole te bevorder en
2. om aan openbare skole en die Onderwysdepartement standaardprosedures vir die rekordhouding, bestuur en monitering van leerderbywoning te verskaf.

1. 'n Rekord van die daaglikse afwesighede van seuns en dogters moet op aparte bladsye of in aparte bywoningsregisters deur die klasonderwyser bygehou word. Die register moet in die skoolkantoor weggesluit word wanneer dit nie in gebruik is nie.

2. Waar prakties moontlik, kan hierdie registers in elektroniese formaat bygehou word.

3. Skole wat reeds 'n elektroniese bywoningsregister gebruik, mag daarmee voortgaan, indien dit vir hulle moontlik is om 'n soortgelyke register vir inspeksie- en ouditdoeleindes beskikbaar te stel, en indien hulle die data kan lewer wat nodig is om op die kwartaallikse opgawe van die skool se leerderbywoning in te vul. U word aangeraai om u kringspanbestuurder aangaande hierdie saak te raadpleeg.

4. Die daaglikse invul van die klasregister moet in die klasregisterperiode plaasvind, wat nie deel uitmaak van die voorgeskrewe tyd wat toegeken is vir kurrikulumdoeleindes gedurende elke skooldag nie.

Hierdie register is onderwysergebaseerd en beweeg saam met die onderwyser, en nie saam met die klas nie. Die perioderegister is 'n amptelike dokument vir interne skoolgebruik.

1. Die opsommingsregister is 'n werksdokument slegs vir interne gebruik deur die skool.

2. Elke klasonderwyser moet teen die einde van elke week die totale daaglikse klasbywoning van die seuns en die dogters in die registerklas voorlę aan die persoon wat verantwoordelik is vir die opstel van die opsommingsregister vir leerders per graad.

3. Die meegaande opsommingsregisters vir leerders moet voltooi word aan die hand van inligting wat verkry is van die klasregister, soos weekliks voltooi tot die einde van die kwartaal.

4. Die daaglikse opsomming van klasbywoning van elke graad moet op afsonderlike bladsye van die opsommingsregister gehou word of in 'n afsonderlike registerboek vir die opsomming van leerderbywoning.

Die skool se kwartaallikse opgawe oor leerderbywoning moet op die laaste dag van elke kwartaal vanaf die inligting in die opsommingsregisters vir leerders voltooi word.

1. Die skool se kwartaallikse opgawe oor leerderbywoning moet voorgelę word via 'n aanlyn vaslęskerm op SOBIS gedurende die laaste week van elke skoolkwartaal.

2. Die skool se kwartaallikse opgawe oor leerderbywoning moet deur die prinsipaal geverifieer en onderteken word voor die skool vir die kwartaal sluit.

3. Data van die skool se kwartaallikse opgawe van leerderbywoning sal op 'n databasis bewaar word en verslae sal beskikbaar gemaak word aan WKOD-bestuur en skole.

4. 'n Getekende drukstuk van die voltooide aanlyn-kwartaallikse opgawe van leerderbywoning moet by die skool moet op lęer geplaas word vir rekorddoeleindes en as bewys dat die opgawe voltooi en aanlyn voorgelę is.