1. Kule minyaka mithathu igqithileyo, iSebe leMfundo leNtshona Koloni (iWCED) liyiqhube ngempumelelo inkomfa yeenqununu ezingamabhinqa njengenxalenye yokubhiyozela inyanga yamanina yalo iSebe kwanokuqaphela indima edlalwe ngamanina aqeshwe eWCED.

2. Ngaphezulu, eli nyathelo liqaqambisa inkqubela eyenziweyo kubulungisa kwezengqesho (employment equity) kwizikhundla eziphezulu kwinqanaba lezikolo nelee-ofisi lenkqubo yezemfundo, nelikwagxininisa ekuqalisweni kwekhosi yaManina eyi-Women in and into Leadership and Management (WILM) efundiswa qho ngonyaka eCape Teaching and Leadership Institute (CTLI).

3. INtloko yeSebe (iHoD) yavuma ukuba le nkomfa yaqho ngonyaka mayiqinisekise ukuba iWCED inika amathuba angawo awongezelelweyo ophuhliso, amaqonga onxibelelwano oluntu (social interface) nenkxaso ekwenzeni umsebenzi ngobuchule kumanina akwizithuba zobunkokeli kwinqanaba lesikolo.

4. Iqonga lezokunikana inkxaso yiforam yabantu abanika uncedo ngokweemvakalelo nangokusebenzisekayo loogxa babo abangamalungu wamaqonga onxibelelwano aludingayo uncedo nenkxaso elolo hlobo. Iqonga lonxibelelwano lokunikana inkxaso linika ukhuseleko kumalungu alo. Eyona nto kujoliswe kuyo liqonga lonxibelelwano kukunciphisa nkqu nokuphelisa ukukhethelwa bucala ngokwezomsebenzi kootitshala abangamabhinqa kumsebenzi wobunkokeli ezikolweni.

5. Iinkomfa zango-2015 ukuya ku-2017 zesi siganeko, ngokubambisana no-Old Mutual, zafumaneka njengezaba yeyona mpumelelo enkulu kakhulu. Ezi nkomfa zazihlanganiswe nemisebenzi yempilo qete exhaswa ngemali ngu-Old Mutual. Akuyi kubakho mahluko nakulo unyaka.

6. Le nkomfa iya kuqhubeka ngeeseshoni zabathathi-nxaxheba bebonke neseshoni yamaqela awahlukeneyo (plenary and breakaway sessions) ukukhuthaza iincoko ezingomsebenzi wokufundisa nangemiba yezemfundo.

7. Iinkcukacha zenkomfa zezi zilandelayo:
1Umhla:
Indawo:
Ixesha:
18 Agasti 2018
Old Mutual Building, Jan Smuts Drive, Pinelands
08:00–15:30

8. Amalungiselelo okuqhubeka kwenkomfa
8.1 Iinqununu ezinqwenela ukubakho kule nkomfa mazizalise iSahluko A sefom eqhotyoshelweyo zize ziyithumele ngefeksi kuNks Avril Malgas kwa-086 729 5347, phambi okanye ungadlulanga owe-08 Agasti 2018. Ezi nkcukacha zifunwa kwangaphambili kakhulu ukwenzela ukuba kuqinisekwe yaye kube nokusingathwa amalungiselelo okuqhubeka kwesi siganeko.
8.2 Apho kunokwenzeka, kucelwa iinqununu zezikolo zikhwelisane xa zisiya kule nkomfa. Iinqununu ziya kubuyekezwa ngeendleko zeehambo zazo apho umgama ohanjiweyo ugqithileyo ku-120 km uhambo lokuya kuphela. Ukwenzela ukufaka ibango leendleko zeehambo, makungeniswe ezi fom "Subsistence and Transport" and Z43 forms ziqhotyoshelweyo kwigosa elenza lo msebenzi/kumagosa awenza lo msebenzi kwindawo enenkomfa. Akasayi kuqwalaselwa amabango afunyenwe engazaliswanga ngokupheleleyo okanye angachanekanga.
8.3 Apho ihambo yenqununu ixhaswa ngemali sisikolo, ibango malenziwe egameni lesikolo, into ethetha ukuba imali ebangwayo iya kuhlawulwa kwi-akhawunti yesikolo.
8.4 Kuya kunikwa indawo yokulala kuphela ezo nqununu zihambe umgama ogqithileyo ku-200 km kuhambo lokuya kuphela. Iinqununu ezifuna indawo yokulala mazizalise iSahluko B sefom eqhotyoshelweyo. Le ngcaciso icelwa kwangaphambili ukwenzela ukuqinisekisa ukuba enziwe kwangexesha amalungiselelo afanelekileyo okufumana indawo yokulala. Ezi zicelo zendawo yokulala mazifunyanwe phambi okanye ungadlulanga owe-08 Agasti 2018 yaye mazithunyelwe ngefeksi kuNks Avril Malgas kwa-086 729 5347. Kuya kuthunyelwa i-imeyili eqinisekisa ngendawo yokulala kummeli ngamnye osicelo sakhe sendawo yokulala sivunyiweyo.
8.5 Apho inqununu ingumntu oyindoda, igama lesekela elingobhinqileyo mayibe lilo emalibhaliselwe ukuya kule nkomfa. Kwizikolo ezincinane, osesikhundleni kwindawo yesibini, ukuba ungobhinqileyo, uya kuvunyelwa athathe inxaxheba.
8.6 Ukufumana naziphi ezinye iinkcukacha, ungaqhagamshelana no Nks Avril Malgas kwifoni 021 467 2611.

9. Kucelwa iinqununu ziqinisekise ukuba okukule ngcaciso imfutshane kwaziswa bonke abasebenzi namaqela achaphazelekayo esikolweni ukuze bakuthathele ingqalelo.


ISAYINWE: NGU-TS MATSELISO
IBAMBELA LENTLOKO YESEBE LEMFUNDO
UMHLA: 2018:07:06

IsiHlomelo A: "Reply slip"  (ubukhulu: 55 KB)
IsiHlomelo B: "Reply slip for accommodation"  (ubukhulu: 55 KB)
"Subsistence and Transport form"  (ubukhulu: 109 KB .xls)