| 1. |
Die Departement van Basiese Onderwys (DBO), in samewerking met al die provinsiale onderwysdepartemente, sal weereens die Suid-Afrikaanse Skoolkooreisteddfod (SASKE) in 2018 reël, bestuur en monitor. |
| 2. |
Die 2018-kompetisie is herontwerp om meer omvattend te wees en sal in die volgende kategorieë vir skoolkore voorsiening maak:
Primêre skole
Kleuters (Grade R tot 2)
Grondslagfase (Grade 3 tot 4)
Intermediêre fase (Grade 5 tot 7) Plaasskole
Sekondêre skole
Sekondêr A
Skole wat gedurende die afgelope vier jaar deurlopend goed gevaar het in die vyf gekeurde kategorieë (d.w.s. gemengde kore, Afrikaan, Afrikaans, Westerse en manlike en vroulike kore).
Sekondêr B
Skole wat vir die eerste keer deelneem asook daardie skole wat aan die program deelgeneem het, maar nie nasionale vlak bereik het nie.
Oop kategorie
Vir beide bogenoemde kategorieë om te kies wat hulle geskik vind.
Verwys asseblief na die 2018 Participation Rules vir die voorgeskrewe musiek en kriteria vir deelname. Die prinsipaal en dirigent moet hierdie reëls lees en hulself vertroud maak daarmee. Skole wat hierdie reëls verontagsaam, sal dadelik gediskwalifiseer word en nie toegelaat word om vir die volgende vyf jaar aan die SASKE deel te neem nie. Die Wes-Kaap Onderwysdepartement (WKOD) sal alle distriksbyeenkomste en provinsiale byeenkomste streng monitor om toe te sien dat skole aan die reëls vir deelname aan hierdie kompetisie voldoen.
|
| 3. |
Grondslagfase-kore sal slegs aan die distrik se eisteddfod deelneem. Hulle sal nie aan die provinsiale en nasionale afdelings van die kompetisie deelneem nie. |
| 5. |
Ten einde vir die kompetisie in te skryf, moet skole die registrasievorm voltooi en dit aan die betrokke skoolverrykingsamptenaar by hul distrikskantoor stuur. |
| 6. |
Dirigente en prinsipale van skole wat registreer, sal genooi word om distrikswerksessies by te woon om hulself met die voorgeskrewe musiek en reels vir deelname vertroud te maak. |
| 7. |
Distrik- en provinsiale uitdunningsrondtes sal onderskeidelik tussen Mei en Junie 2018 plaasvind. |
| 8. |
Indien skole se opvoering 'n vlak 3 (65%) en meer deur die beoordelaars ontvang, sal hulle toegelaat word om na die volgende stadium te beweeg. |
| 9. |
Deelname op provinsiale en nasionale vlak is streng op uitnodiging. |
| 10. |
Prinsipale en skoolbestuurspanne moet toesien dat kooroefeninge nie met die skool se akademiese program en kontaktyd inmeng nie. Met die oog hierop, is dit baie belangrik dat dirigente nie leerders versoek om kooroefening tydens onderrigtyd by te woon nie. |
| 11. |
Skole wat aan alle SASKE-byeenkomste deelneem, moet hul eie reelings ten opsigte van reis en verblyf tref. Die WKOD sal reis en verblyf soos volg subsidieer: |
| 11.1 |
Skole wat meer as 200 km (retoer) reis, sal tot 'n maksimum van R3 000 per skool vir distriksrondtes en provinsiale rondtes ontvang. |
| 11.2 |
Skole wat meer as 700 km (retoer) reis, sal tot 'n maksimum van R5 000 per skool vir distriksrondtes en provinsiale rondtes ontvang. |
| 11.3 |
Skole wat genooi word om aan die nasionale byeenkoms deel te neem, sal tot 'n maksimum bedrag van R40 000 (veertig duisend rand) ontvang om 'n volle koor van 60 leerders te vervoer. |
| 11.4 |
Verblyf om die provinsiale rondtes by te woon, sal teen R100 per leerder per nag gesubsidieer word. |
| 11.5 |
Verblyf om die nasionale byeenkoms by te woon, sal tot 'n bedrag van R150 per persoon per nag gesubsidieer word.
Hierdie subsidies sal betaal word tydens die ondertekening van die memorandum van verstandhouding met die distrik wat ten minste drie weke voor die byeenkoms by Hoofkantoor ingedien word. |
| 12. |
Bring asseblief die inhoud van hierdie minuut onder die aandag van alle leerders, dirigente, opvoeders en ouers. |
GETEKEN: TS MATSELISO
ADJUNK-DIREKDIREK-GENERAAL: INRIGTINGSONTWIKKELING - EN KOÖRDINERING
DATUM: 2018:05:29
|
 |