| 1. |
ISaveyi yaQho ngoNyaka ka-2018 yeSebe leMfundo leNtshona Koloni (iWCED) yezikolo zemfundo eenemfuno ezizodwa iya kuqhutywa nge-06 Septemba 2018. Kuya kufuneka iinqununu zisayinele ukuba ichanekile idatha yabafundi neyootitshala kwi-CEMIS. Kucelwa uqinisekise ukuba konke oku kulandelayo kuvela ngokukuko kwi-CEMIS yaye makusayinwe ungadlulanga owe-06 Septemba 2018: |
| 1.1 |
Abafundi bafakwe kumabakala angawo, kwiiklasi nakudidi lolwimi lokufunda nokufundisa (language of learning and teaching) (LoLT). |
| 1.2 |
Kugqityiwe ukukhutshelwa kwabafundi (abamkelwayo nabakhutshwayo esikolweni). |
| 1.3 |
Utshintsho ngokwamabakala lwenziwe lwagqitywa. |
| 1.4 |
Zezichanekileyo iinkcukacha ezingokhubazeko lwabafundi. |
| 2. |
Inqununu mayiqinisekise ukuba ilisti yootitshala ekwi-CEMIS ihlaziya iinkcukacha zayo kwaye ingqinisiswe; kwangokunjalo neminyaka yamava, amabakala kunye nezifundo ebezifundisa ngo-2018 (mazisuswe iinkcukacha zamabakala nezezifundo ebezifundisa kwiminyaka edlulileyo ukuba azifanele kubakho kumthwalo katitshala ka-2018). |
| 3. |
Konke okubonakalayo, izikrini zokufaka idatha ekhompyutheni kunye neeripoti eziziimposiso mazingqinisiswe phambi kokuba icandelo lesaveyi elisayinwayo lifumaneke. |
| 4. |
Icandelo elisayinwayo lesaveyi malizaliswe njengenkqubo yokuvunywa kokungqinisiswa kwedatha njengelibonakalisa ngokukuko ubhaliso lwabafundi nenani lootitshala ungadlulanga owe-06 Septemba 2018. |
| 5. |
Izikolo ezikwizibhedlela kuya kufuneka zizalise ikopi eliphepha yesaveyi. Le saveyi iya kunikwa izikolo ngqo. |
| 6. |
Umhla osikelwe iintloko zokunika inkxaso kubafundi (learner support heads) ukuba zisayine idatha yeSaveyi yaQho ngoNyaka ngowe-13 Septemba 2018. |
| 7. |
Inqununu, njengegosa le-EMIS leziko, mayilawule iinkqubo zokufaka idatha ekhompyutheni ukuqinisekisa ukuba ubungqina bokuqinisekisa kunye neesiginintsha zabasebenzi ekugqithiselwe kubo amagunya okutshekisha idatha bunokunikwa xa bucelwa ngabaphicothi-zincwadi. Mayirekhodwe inkqubo yomsebenzi wokufaka idatha ye-EMIS ukuqinisekisa ukuphendula malunga nokuchaneka kwedatha, njengoko iinkcukacha ezo kunyanzelekile kwenziwe uphicotho-zincwadi kuzo. Kucelwa ufunde iNgcaciso eMfutshane yeCandelo loLawulo loLwazi neNgcaciso 0003/2012, yowe-10 Agasti 2012, ukufumana ingcaciso engaphezulu. Kukhunjuzwa iinqununu kwakhona ukuba ukususela ngo-2014, ukuchaneka kwedatha ye-CEMIS ngumqathango ophambili ekuya kuxhomekeka kuwo ukufumana kwezikolo intlawulo yesabelo-mali yesibini ngokwemimiselo nemiqathango yokuxhaswa ngemali (iSetyhula 0044/2013, yowe-29 Oktobha 2013). |
| 8. |
Kunyanzelekile kusetyenziswe inombolo yesazisi kazwelonke (ID) ngabo bonke abafundi kuzo zonke iisistim zasekhompyutheni zezolawulo nokuphathwa kwezikolo. Ikho iripoti ye-CEMIS efumanekayo ukuqaphela abafundi abangenazo iinombolo zesazisi nokulungiselela ukufakwa ekhompyutheni kweenombolo zezazisi ezingekhoyo. Ukuba umfundi akanayo inombolo yesazisi esemthethweni, UNGAKHE ULINGE uyifake inombolo ye-ID engekho semthethweni. Kucelwa ukuba kucetyiswe abazali ngenkqubo yokwenza isicelo se-ID kwiSebe leMicimbi yaseKhaya (Department of Home Affairs) (DHA). Kucelwa iinqununu zibancedise abazali apho kunako, ukuququzelela inkqubo yaseDHA. |
| 9. |
Kusakufunyanwa nabuphi ubunzima ekuzalisweni kwale saveyi makuboniswane negosa lesithili elichaphazelekayo elidweliswe ngezantsi:
|
| 10. |
IWCED ilithakazelela kakhulu igalelo nokuzinikela kwawo onke amagosa emfundo yaye ijonge phambili kwintsebenziswano nani eqhubelekayo ngo-2018. |
ISAYINWE: NGU-HA LEWIS
USEKELA MLAWULI-JIKELELE WOCWANGCISO LWEMFUNDO
UMHLA: 2018:06:11
|
 |