| 1. |
IMimiselo neMigangatho yoLwabiwo-mali yezikolo iya kulungiselela ukuthengwa kwezibonelelo ezixhasa ukufunda nokufundisa (LTSM). Le ngcaciso ibhekiselele kwiSetyhula 0015/17, yomhla we-12 Apreli 2017. |
| 2. |
Kulindeleke izikolo zisebenzise ipesenti engu-30 yesabelo seMimiselo neMigangatho yoLwabiwo-mali se-LTSM nekumele ukuba ishumi lepesenti kuyo lichithwe kwizibonelelo zaselayibrari zesikolo nezinokubandakanya:
- Iincwadi ezinezihloko ngezihloko zokukhangela izinto-yinto (Reference works) (iiencyclopaedias, ii-atlasi, nezichazi-magama, njl.njl.)
- Iincwadi ezinamabali asusela kwizinto eziyinyani kuqukwa nee-eBooks
- Iincwadi ezinamabali asusela kwizinto ezingeyonyani kuqukwa nee-eBooks
- Iiphowusta neephamflethi
- Iimagazine namaphephandaba kuqukwa nee-ePublications
- Ii-CDs, ii-DVDs, nee-CD-ROMs
- I-Software, nokulayisenswa kwayo neentlawulo ze-ePlatform
- Izibonelelo ezizi-Multimedia packages
|
| 3. |
Imathiriyeli yelayibrari yesikolo mayandiswe qho ngonyaka, nokuba ngaba oko kwenzelwa ukuba ibe yilayibrari yesikolo esebenza ngokuyimpumelelo, ikona yokufundela, ilayibrari esetrolini (trolley library) okanye iincwadi eziyingqokelela ezigcinwe eklasini (classroom collection), de inani elipheleleyo lee-ayithem libonise umgangatho wamazwe ehlabathi ongowona usezantsi ozii-ayithem ezilishumi ngomfundi ngamnye. |
| 4. |
ISebe leMfundo leNtshona Koloni (WCED) alizithengi izibonelelo zelayibrari yesikolo kwindawo elungele zonke izikolo (centrally), kodwa linika inkxaso isistim eyi-site-based management system. Oku kuthwalisa izikolo uxanduva lokuba zizikhethe yaye zizithengele izibonelelo zazo zaselayibrari. |
| 5. |
ABahloli beZibonelelo zeKharityhulam ii-Education Library and Information Services (EDULIS) Evaluators: Curriculum Resources, bayayifumana baze bayihlole imathiriyeli yaselayibrari efanelekileyo eninzi neyahlukileyo (ngokwekhontenti nefomathi) ukongeza kwikharityhulam ye-Curriculum Assessment Policy Statement (CAPS) neencwadi zezifundo ezimiselwe ukufundwa. Bakulungele ukuncedisa izikolo, ootitshala, onoolayibrari abangootitshala okanye abancedisi beelayibrari bezikolo, bathenge imathiriyeli yelayibrari yesikolo elungeleleneyo neemfuno ezithile zezikolo, ngokubanika iilisti ezilungele iimeko zezikolo zezibonelelo ekucetyiswa ngazo. |
| 6. |
Ukufumana uncedo Kucelwa izikolo ziqhagamshelane no-Helene Johnston (EDULIS) kule nombolo yefoni 021 957 9620, okanye nge-fax2mail 0864892500 okanye nge-imeyili: Helene.Johnston@westerncape.gov.za ungadlulanga owe-14 Septemba 2018. |
| 7. |
Nakuba kunjalo, ootitshala bavumelekile ukuba bathenge izibonelelo zelayibrari yesikolo abazibona ziyimfuneko ukwenzela izikolo zabo. Inkxaso-mali yezikolo eziphantsi kwesiqendu 21 ihlawulwa ngoomatshini kwii-akhawunti zebhanki zezikolo yaye ezi zikolo zinako ukuthenga ngqo kubapapashi nakubathengisi-zincwadi. |
| 8. |
Zonke izikolo ezingekho phantsi kwesiqendu 21 mazithenge izibonelelo zeelayibrari zezikolo ngokungenisa ii-Form WCED-034 Library Material kumphathi weprojekthi ye-LTSM kule nombolo yefoni: 021 467 2612 okanye nge-imeyili apha ltsm@westerncape.gov.za. Ezi odolo zithunyelwa kubaniki-maxabiso kwi-Integrated Procurement Solution (IPS). Iirikhwizishini zezibonelelo zeelayibrari zezikolo zinokungeniswa de kube yi-30 Septemba 2018. |
| 9. |
Ziyacelwa izikolo ezingekho phantsi kwesiqendu 21 ukuba zithumele ikopi ye-odolo/yerikhwizishini ku-Timothy Cloete apha: Timothy.Cloete@westerncape.gov.za xa zifake i-odolo yezibonelelo zelayibrari zezikolo, ukwenzela ukuba i-EDULIS ibenako ukukulandelela okuqhubekayo nemeko yezi odolo. |
| 10. |
Kungaqhagamshelwana nala magosa esithili alandelayo ngokumalunga neenkonzo zelayibrari yesikolo:
| Faith Lawrence |
UMcebisi ngezeLayibrari yeSikolo,
ISithili seMfundo i-West Coast |
Ifoni 021 860 1562 |
| Janine Ontong |
UMcebisi ngezeLayibrari yeSikolo,
ISithili seMfundo i-Cape Winelands |
Ifoni 023 348 4657 |
|
ISAYINWE: NGU-HA LEWIS
USEKELA MLAWULI-JIKELELE WOCWANGCISO LWEMFUNDO
UMHLA: 2018:08:29
|
 |