1. Ngokwesibhengezo seNkulumbuso yaseNtshona Koloni ngoLwesithathu we-31 Januwari 2018, injongo jikelele ephambili kaRhulumente waseNtshona Koloni kukuqinisekisa ukuba izikolo kwiingingqi ezichaphazeleke ngamandla yimbalela egqugqisileyo kweli phondo, ziya kuhlala zivuliwe emva koSuku lokuPhela tu kwaManzi (Day Zero). Ngokubhekiselele kule meko ikhankanywe ngentla apha, ndiziqhwabela izandla izikolo ngokuthatha amanyathelo okuhlala zisebenza emva koSuku lokuPhela tu kwaManzi.

2. ISaveyi i-School Emergency Water Plan Survey yezikolo eziqhelekileyo neyezikolo ze-LSEN (zabafundi bemfundo eneemfuno ezizodwa), iya kusetyenziselwa ukungqinisisa iziphumo zeesaveyi ezazenziwe ngaphambili ukuqinisekisa ukuba iSebe leMfundo leNtshona Koloni (iSebe iWCED) linerekhodi echanekileyo yezikolo emalunga nokufikelela nokusebenzisa kwazo izibonelelo zamanzi ezongeziweyo kwakunye nokufumana ingcaciso ngazo naziphi na iinguqu ezenziwe zizikolo njengamanyathelo okuphumeza oku.

3. Phambi kokuba isayinelwe isaveyi kwiCEMIS, inqununu okanye lowo kudluliselwe kuye amagunya, makaqinisekise oku kulandelayo:

  1. Mayibe yechanekileyo imeko ezikuyo izibonelelo zamanzi ezandisiweyo (umzekelo amapitsi (boreholes) neekhonteyina zokugcina amanzi) nezixhobo zokhuseleko emlilweni (imibhobho yokucima umlilo nezicima-mlilo (fire hose reels and extinguishers).
  2. Icandelo lokusayinelwa kwesaveyi malizaliswe njengesiqinisekiso sokungqinisiswa kwedatha njengembonakalo echanekileyo njengangoku yemeko yezibonelelo zamanzi ezandisiweyo nezixhobo zokhuseleko emlilweni esikolweni.
4. Isaveyi eyi-School Emergency Water Plan survey, mayizaliswe ize isayinelwe yinqununu kwiCEMIS ungadlulanga owe-19 Februwari 2018.

5. Apho kuye kwakho naziphi na iingxaki ezimalunga nokuzaliswa kwesaveyi, niyacelwa niqhagamshelane nomphathi wesekethe okanye negosa lesithili elichaphazelekayo elidweliswe apha ngezantsi:

Isithili ISekela leNgcali yeMfundo eyiNtloko kwiSithili Inombolo yefoni I-imeyili
Metro North Jacobus Van Wyk 021 467 2112 Jacobus.vanWyk2@westerncape.gov.za
Metro Central Adam Jantjies 021 467 2895 Adam.Jantjies@westerncape.gov.za
Metro South Hillary Smith 021 370 2076 Hillary.Smith@westerncape.gov.za
Metro East Rudolph Joorst 021 900 7240 Rudolph.Joorst@westerncape.gov.za
West Coast Jacobus Van Wyk 021 467 2112 Jacobus.vanWyk2@westerncape.gov.za
Cape Winelands Rudolph Joorst 021 900 7240 Rudolph.Joorst@westerncape.gov.za
Overberg Hillary Smith 021 370 2076 Hillary.Smith@westerncape.gov.za
Eden and Central Karoo Claire du Plessis 044 803 8374 Claire.DuPlessis@westerncape.gov.za

6. ISebe iWCED liyayithakazelela indima ephambili edlalwa ziinqununu ekulawuleni izibonelelo zamanzi ngenkathalo ukuqinisekisa ukuba izikolo zihlala zivuliwe emva koSuku lokuPhela tu kwamanzi.


ISAYINWE: NGU-HA LEWIS
USEKELA MLAWULI-JIKELELE WOCWANGCISO LWEMFUNDO
UMHLA: 2018:02:09