| VERWYSING: | 20180122-8470
12/2/10/3 |
 | | NAVRAE: | N Schuller | TEL.: | 021 467 2289 | FAKS: | 021 425 7445 |
KENNIS- EN -INLIGTINGSBESTUURSMINUUT: 0002/2018 |
AAN: | HOOFDIREKTEURE, DIREKTEURE (HOOFKANTOOR EN DISTRIKSKANTORE), KRINGBESTUURDERS EN PRINSIPALE VAN SKOLE MET SPESIALE ONDERWYSBEHOEFTES |
| KITSOPNAME IN 2018 VIR SKOLE MET SPESIALE ONDERWYSBEHOEFTES |
| 1. |
Die kitsopname vir openbare skole vir leerders met spesiale onderwysbehoeftes sal op 06 Maart 2018 afgeneem word. Prinsipale moet toesien dat die data, ten opsigte van leerderinskrywings, op SOBIS afgeteken word. Skole sal vanaf 23 Februarie 2018 toegang tot die kitsopname op SOBIS kan verkry. Maak asseblief seker dat die volgende teen 06 Maart 2018 korrek op SOBIS weergegee word: |
| 1.1 |
Leerders is in die korrekte grade, klasse en taal-van-leer-en-onderrig- (TLO)-kategorie. |
| 1.2 |
Leerderoorplasings (in en uit) is voltooi. |
| 1.3 |
Inligting oor leerdergestremdhede is korrek. |
| 1.4 |
Opvoederinligting is korrek. |
| 1.5 |
Graadveranderings is voltooi. |
| 1.6 |
Alle vasleggingskerms is voltooi. |
| 2. |
Leerderondersteuningsbestuurders (Gespesialiseerde Leerder- en Opvoederondersteuning (GLOO)-hoofde) in distrikte moet teen 23 Maart 2018 die kitsopname se data afteken. |
| 3. |
Die prinsipaal, as die institusionele Onderwysbestuursinligtingstelsel (OBIS)-beampte, moet die dataprosesse bestuur om te verseker dat bewys van verifikasie en die handtekeninge van personeel wat gedelegeer is om die data te kontroleer, op versoek van ouditeurs getoon kan word. Vir verdere inligting kan Kennis- en -Inligtingsbestuursminuut: 0003/2012, gedateer 24 Februarie 2012, geraadpleeg word. |
| 4. |
Daar sal van hospitaalskole verwag word om 'n drukstuk van die kitsopname te voltooi wat direk aan skole verskaf sal word. |
| 5. |
'n Nasionale identiteitsdokument (ID)-nommer is verpligtend vir alle leerders op alle gerekenariseerde skooladministrasie- en bestuurstelsels. 'n Verslag is op SOBIS aan skole beskikbaar om leerders te identifiseer wat nie ID-nommers het nie, en om die vaslegging van ontbrekende/foutiewe ID-nommers te fasiliteer. Indien 'n leerder nie in besit van 'n geldige ID-nommer is nie, moet die ouers oor die proses geadviseer word om via die Departement van Binnelandse Sake om 'n ID aansoek te doen (verwys na Omsendbrief: 0008/2014, gedateer 06 Maart 2014). Waar moontlik, word prinsipale versoek om ouers by te staan om die proses deur die Departement van Binnelandse Sake te fasiliteer. |
| 6. |
Prinsipale moet die kitsopnameprosesse koordineer om die akkuraatheid en tydige voltooiing van datavaslegging te verseker. |
| 7. |
Kontak asseblief die tersaaklike distriksamptenaar indien u enige bystand verlang:
|
GETEKEN: HA LEWIS
ADJUNK-DIREKTEUR-GENERAAL: ONDERWYSBEPLANNING
DATUM: 2018:02:13
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
