| 1. |
Die norme-en-standaarde-toewysings vir skole maak voorsiening vir die aankoop van leer-en-onderrigondersteuningsmateriaal (LOOM). Die inligting in Omsendbrief: 0015/2017, gedateer 12 April 2017, is van toepassing. |
| 2. |
Skole moet 30 persent van hul norme- en standaarde-toewysings vir LOOM gebruik, waarvan tien persent op skoolbiblioteekhulpbronne bestee moet word wat die volgende kan insluit:
- Naslaanwerke (ensiklopediee, atlasse, woordeboeke, ens.)
- Niefiksiewerke, insluitende e-boeke
- Fiksiewerke, insluitende e-boeke
- Plakkate en pamflette
- Tydskrifte en koerante, insluitende e-publikasies
- CD's, DVD's en CD-ROM's
- Gelde vir sagteware, lisensiering en e-platform
- Multimedia pakkette
|
| 3. |
Skoolbiblioteekmateriaal moet jaarliks aangevul word totdat die totale getal items die minimum internasionale standaard van tien items per leerder weerspieel, of dit nou vir 'n doelmatige skoolbiblioteek, 'n leeshoekie, 'n trolliebiblioteek of 'n klaskamerversameling is. |
| 4. |
Die Wes-Kaap Onderwysdepartement (WKOD) koop nie skoolbiblioteekhulpbronne aan nie, maar ondersteun 'n sentrumgebaseerde bestuurstelsel. Dit plaas die verantwoordelikheid op skole om hul skoolbiblioteekhulpbronne te kies en aan te koop. |
| 5. |
Die Onderwysbiblioteek- en Inligtingsdienste (EDULIS)-evalueerders: Kurrikulumhulpbronne, verkry en evalueer 'n wye verskeidenheid (beide in inhoud en formaat) van geskikte skoolbiblioteekmateriaal om die Kurrikulum- en Assesseringsbeleidverklaring (KABV)-kurrikulum en voorgeskrewe handboeke aan te vul. Hulle is gereed om skole, onderwysers, onderwysers-bibliotekarisse of skoolbiblioteekassistente by te staan met die keuse en aankoop van skoolbiblioteekmateriaal wat geskik is vir hul spesifieke skole se behoeftes, deur doelgemaakte lyste van aanbevole hulpbronne te verskaf. |
| 6. |
Indien skole enige hulp benodig, kan hulle, teen 14 September 2018, Helene Johnston (EDULIS) kontak by tel. 021 957 9620, fax2mail: 086 489 2500 of by e-pos Helene.Johnston@westerncape.gov.za. |
| 7. |
Opvoeders is egter altyd welkom om skoolbiblioteekhulpbronne aan te koop wat hulle nodig ag vir hul individuele skole. Toewysings vir artikel 21-skole word in hul bankrekeninge gedeponeer en hierdie skole kan boeke direk van uitgewers en boekhandelaars verkry. |
| 8. |
Alle nie-artikel 21-skole moet skoolbiblioteekhulpbronne aanvra deur die WKOD-034 Biblioteekmateriaal-vorm by die LOOM-projekbestuurder in te dien by tel. 021 467 2612 of e-pos ltsm@westerncape.gov.za. Hierdie bestellings word op die Geïntegreerde Verkrygingsoplossing (IPS) aanbestee. Aanvrae vir skoolbiblioteekhulpbronne kan tot en met 30 September 2018 ingedien word. |
| 9. |
Wanneer nie-artikel 21-skole hul bestelling vir skoolbiblioteekhulpbronne geplaas het, moet hulle 'n afskrif van die bestelling/aanvraag aan Timothy Cloete stuur by Timothy.Cloete@westerncape.gov.za sodat EDULIS hierdie bestellings kan opvolg en naspoor. |
| 10. |
Die volgende distriksamptenare kan ten opsigte van skoolbiblioteekhulpbronne gekontak word:
| Faith Lawrence |
Skoolbiblioteekadviseur,
Onderwysdistrik Weskus |
tel: 021 860 1562 |
| Janine Ontong |
Skoolbiblioteekadviseur,
Onderwysdistrik Kaapse Wynland |
tel: 023 348 4657 |
|
GETEKEN: HA LEWIS
ADJUNK-DIREKTEUR-GENERAAL: ONDERWYSBEPLANNING
DATUM: 2018:08:29
|
 |