1. Die Departement van Basiese Onderwys (DBO) het die Read to Lead-veldtog in 2015 van stapel gestuur. Die hooffokus hiervan was om die leesvaardighede van alle Suid-Afrikaanse kinders te verbeter.
2. Die Onderwysbiblioteek- en Inligtingsdiens (EDULIS) het in 2017 'n twee jaar lange loodsprogram aangepak om opvoeders te help om leeshoekies in Grade 3-, 4- en 5-klaskamers in te rig. Dit beplan voorts om dit in 2019 na meer laerskole in die Wes-Kaap van stapel te laat loop.
3. Na afloop van die twee jaar, behoort die klaskamerversameling volgehou en uitgebrei te word deur van die skool se norme-en-standaarde-(N&S-)toewysing (kyk Omsendbrief 0042/2016, gedateer 27 September 2016) gebruik te maak.
4. Opvoeders wat deel van hierdie projek in 2019.2020 wil wees, kan by die volgende URL, https://docs.google.com/forms/d/1_QoVA-ehpUkeFSbFfE8z93j3-JzRQZ-W6T3Wf6GYNps/edit, aanmeld om die vraelys te voltooi en voor te lê.
5. EDULIS wil leeshoekies in laerskoolklaskamers in alle distrikte inrig, maar weens beperkte bronne sal slegs ongeveer 20 opvoeders per distrik in die eerste ronde (2019.2020) ondersteun word.
6. Aangeheg is die Love2Read-boekie wat die visie sowel as die voorwaardes en bepalings van hierdie program bevat.
7. Bring asseblief die inhoud van hierdie minuut onder die aandag van alle betrokkenes.


GETEKEN: HA LEWIS
ADJUNK-DIREKTEUR-GENERAAL: ONDERWYSBEPLANNING
DATUM: 2018:06:29

"Love2Read booklet"  (grootte: 129 KB)