| VERWYSING: | 20180711-4144
12/2/13/6 |
 | | NAVRAE: | A Henriques | TEL.: | 021 467 2767 | FAKS: | 086 2415 424 |
INRIGTINGSHULPBRONONDERSTEUNINGSMINUUT: 0005/2018 |
AAN: | ADJUNK-DIREKTEURS-GENERAAL, HOOFDIREKTEURE, DIREKTEURE, KRINGBESTUURDERS, HOOFDE: BESTUUR EN BEHEER, ADJUNKDIREKTEURE BY DISTRIKSKANTORE, PRINSIPALE EN VOORSITTERS VAN BEHEERLIGGAME VAN ALLE NIE-ARTIKEL 21 GEWONE OPENBARE SKOLE |
KORT OPSOMMING: | Laaste geleentheid vir nie-artikel 21-skole om bykomende skryfbehoeftes, skoonmaakbenodigdhede tuin- en elektriese voorraad aanlyn vir gebruik in 2019 te bestel. |
| AANLYN BESTELLING VAN SKRYFBEHOEFTES, SKOONMAAKBENODIGDHEDE, TUIN- EN ELEKTRIESE VOORRAAD IN DIE 2018/19-BOEKJAAR VIR ALLE NIE-ARTIKEL 21 SKOLE |
| 2. |
Alle nie-artikel 21-skole sal vanaf 30 Julie tot 08 Augustus 2018 'n laaste geleentheid kry om skryfbehoeftes, skoonmaakbenodigdhede, tuin- en elektriese voorraad aanlyn vir gebruik in 2019 te bestel. |
| 3. |
Riglyne sal op die Sentrale Onderwysbestuursinligtingstelsel (SOBIS) geplaas word om te verduidelik hoe om bykomende skryfbehoeftes, skoonmaakbenodighede, tuin- en elektriese voorraad in te voer en af te teken. |
| 4. |
Soos uiteengesit in die bogenoemde omsendbrief, sal die Wes-Kaap Onderwysdepartement (WKOD) namens nie-artikel 21-skole bestellings vir die skryfbehoeftes, skoonmaakbenodigdhede, tuin- en elektriese voorraad wat aangevra word, by die gekontrakteerde verskaffer plaas. |
| 5. |
Skole kan slegs aanlyn bestellings vir die items wat op die aangehegte katalogusse gelys is, plaas. |
| 6. |
Let asseblief daarop dat die skryfbehoeftekontrak nie die voorsiening en aflewering van kopieerpapier of inkhouertjies vir drukkers bied nie. Hierdie items, asook ander items, wat nie in die katalogusse gelys is nie, sal afsonderlik verkry word deur kwotasies wat deur Integrated Procurement Solutions (IPS) aangevra word. Skole moet teen nie later nie as 08 Augustus 2018, aansoeke vir items wat nie in die katalogusse gelys is nie, op 'n WKOD-026-vorm (kopie aangeheg) by die leer- en onderrigondersteuningsmateriaal (LOOM)-kantoor indien om tydige aflewering te verseker. |
| 7. |
Daar sal van skole verwag word om hul norme-en-standaarde (N&S)-toewysings vir plaaslike aankope te gebruik om al hul skryfbehoeftes, skoonmaakbenodigdhede, tuin- en elektriese voorraad te dek. Dit is dus baie belangrik dat skole noukeurig met die beplanning en bestuur van hul N&S-toewysings te werk gaan om die beskikbaarheid van voldoende fondse vir hulle behoeftes te verseker. Ten einde skole in hierdie opsig te help, sal bevestiging van bestellings en die waarde daarvan na skole aangestuur word soos bestellings verwerk word. |
| 8. |
Bring asseblief die inhoud van hierdie minuut onder die aandag van alle tersaaklike amptenare. |
GETEKEN: HA LEWIS
ADJUNK-DIREKTEUR-GENERAAL: ONDERWYSBEPLANNING
DATUM: 2018:07:11
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
Indiensneming- en salarisnavrae: 0861 92 33 22
Veilige Skole: 0800 45 46 47
|
 |
