| 1. |
Skole word versoek om vanaf die derde kwartaal van 2018 uitsluitlik op leerdervoerskema (LVS)-aansoeke vir die 2019-skooljaar te fokus. Die verwerking van die LVS-aansoeke vir die 2018-skooljaar word tans gefinaliseer en skole word versoek om nie enige nuwe LVS-aansoeke vir 2018 in te dien nie. |
| 2. |
Aansoeke vir die instelling van nuwe roetes en die insluiting van addisionele leerders op bestaande roetes in Januarie 2019, moet teen 31 Julie 2018 by die betrokke kringbestuurder ingedien word. |
| 3. |
Sodra skole vir die derde skoolkwartaal van 2018 heropen, moet hulle begin om die volledige gemotiveerde aansoeke voor te berei. |
| 4. |
Daar word van kringbestuurders verwag om te verifieer/te bepaal of leerders in skole of koshuise geplaas kan word. Die kringbestuurders moet ook Afdeling B van die aansoekvorm voltooi voor die insluiting van hierdie leerders by 'n vervoerskema oorweeg kan word. |
| 5. |
Betrokke distriksamptenare sal die aansoeke verwerk, soos benodig, en die afgetekende aansoeke met roetekaarte teen 24 Augustus 2018 by die Direktoraat: Inrigtingshulpbronondersteuning indien vir die aandag van mnr Keith Lackay, Adjunkdirekteur: LVS. |
| 6. |
Vind asseblief hierby aangeheg 'n afskrif van die mees onlangse LVS-aansoekvorm, gedateer Julie 2015, wat vir bogenoemde doel gebruik moet word. Verseker asseblief dat alle afdelings van die aansoekvorm voltooi word. |
| 7. |
Dit is baie belangrik dat aansoeke vir nuwe roetes en addisionele leerders vroegtydig ontvang word sodat die dienste verkry en op die eerste skooldag van 2019 beskikbaar gestel kan word. Aansoeke wat ná die bogenoemde sperdatum ingedien word, loop die risiko dat dit nie vir die eerste dag van die 2019-skooljaar goedgekeur sal word nie. |
GETEKEN: S ABRAHAMS
WAARNEMENDE ADJUNK-DIREKTEUR-GENERAAL: ONDERWYSBEPLANNING
DATUM: 2018:06:14
|
 |