1. |
Die Departement van Kuns en Kultuur, in oorleg met die Biblioteek- en Inligtingsvereniging van Suid-Afrika (LIASA), het verklaar dat die Suid-Afrikaanse Biblioteekweek (SABW) 2018 vanaf 19 tot 25 Maart 2018 met die tema "Biblioteke: die Hart van die Gemeenskap" gevier sal word. |
2. |
Die tema herbeklemtoon die idee dat biblioteke aan die gemeenskap behoort en die kern daarvan is. Alle biblioteke – skool-, openbare, akademiese, of spesiale biblioteke – is die kern van die gemeenskapslewe om lewensbelangrike hulpbronne te bied om aandag aan gemeenskapsbehoeftes te skenk en is plekke waar die gemeenskap bymekaar kom. |
3. |
Biblioteke is oop vir hul eie gemeenskappe en verskaf noodsaaklike dienste om mense en buurte te help floreer. Van internettoegang en hulp met huiswerk tot storietyd en taalprogramme – biblioteke verskaf gratis toeganklike ruimte, inligtingshulpbronne en dienste vir almal. |
4. |
Die tema moedig ook almal aan om te besef dat biblioteke voorkeur- een-stop-, sosiale inklusiewe ruimtes vir die bevordering van geletterdheid deur die intellektuele en estetiese ontwikkeling van alle ouderdomme is. |
5. |
Die Wes-Kaap Onderwysdepartement (WKOD) moedig skole aan om aan die nasionale LIASA-kompetisie deel te neem deur die volgende te doen: |
5.1 |
Skryf asseblief elektronies in en beantwoord die volgende vrae (hierdie vrae sal u met die beplanning van u geleentheid/uitstalling help):
- Beskryf wat u vir SABW 2018 beplan het.
- Wat was die doelwitte van u beplande geleentheid/uitstalling?
- Wie was u teikengehoor en wat was die impak van u SABW 2018-aktiwiteite op hulle?
- Was u beplande SABW 2018-geleentheid/-uitstalling 'n sukses?
- Hoekom is u van mening dat die beoordelaars u biblioteek vir die prys moet oorweeg?
- Baie belangrik: E-pos asseblief minstens vier hoedefinisiefoto's na Liasamaig@gmail.com.
|
5.2 |
Die sluitingsdatum vir die kompetisie is Woensdag, 11 April 2018. |
5.4 |
Kategoriewenners sal 'n koopbewys ter waarde van R1 000 van Exclusive Books vir hul biblioteek ontvang. |
5.6 |
Aankondiging van die wenners: Die wenners sal teen 20 April 2018 telefonies of per e-pos in kennis gestel word. |
6. |
Die volgende WKOD-distriksamptenare kan in verband met skoolbiblioteekdienste gekontak word:
Faith Lawrence |
Skoolbiblioteekadviseur, Distrik Weskus |
tel. no. 021 860 1562 |
Janine Ontong |
Skoolbiblioteekadviseur, Distrik Kaapse Wynland |
tel. no. 023 348 4657 |
|
GETEKEN: HA LEWIS
ADJUNK-DIREKTEUR-GENERAAL: ONDERWYSBEPLANNING
DATUM: 2018:03:14
|
![](images/shim.gif) |