1. Die opname van die klientetevredenheidsverslag bied jaarliks aan die bestuur van die Wes-Kaap Onderwysdepartement (WKOD) 'n geleentheid om nabetragting te hou oor die WKOD se dienslewering en om strategies te beplan om huidige diensvlakke te verbeter.
2. In 2017, is die opname vir die tweede keer aan alle gewone en spesiale openbare skole aangebied en 'n maksimum van 10 institusionele personeellede per skool was nodig om dit te voltooi. Met die viering van die Jaar van die Onderwyser in 2017, is die getal respondente per skool van 5 tot 10 verhoog, 'n proaktiewe poging om die response van institusionele personeel te laat toeneem. Respondente het van vlak een tot ses gewissel, en die meeste respondente het tussen 20 tot 30 jaar ondervinding gehad.
3. Die respondente het die dienste wat deur die WKOD-hoofkantoor en distrikskantore aan skole gebied word, beoordeel deur 'b vyf-punt-beoordelingskaal te gebruik waar 1 = uiters swak; 2 = swak; 3 = bevredigend; 4 = goed en 5 = uitstekend is. Respondente is ook genooi om op diensleweringselemente kommentaar te lewer, dit te prys en/of te kritiseer.
4. Altesaam 5 644 voltooide opnames is aanlyn deur SOBIS vasgele en meer as 72% van die geteikende skole het gereageer. Hierdie syfers en/of insette het uitgeloop op 'n volledige verslag wat as terugvoering en vir nabetragting en aanmoediging vir toekomstige deelname vir deurlopende verbetering van dienslewering beskikbaar is.
5. Die volgende hoogtepunte van die verslag is alfabeties getabuleer, waar beoordelings van 1-2 = swak, 3 = bevredigend en 4-5 = goed is.
6. Reaksies op die vraag "How do you rate WCED’s display and application of these values during delivery of services?" was baie insiggewend en word waardeer. Die WKOD moet voortdurend verbeter en vereis dat alle personeel Die Jaar van Waardegedrewe Leer ondersteun.
7. Die WKOD spreek graag sy waardering uit teenoor almal wat aan die opname deelgeneem het – die administratiewe klerke vir hul rol en die prinsipale vir die administrasie van die oefening. Die WKOD sal daarna streef om klagtes wat aangeteken is te ondersoek, die lof wat ontvang is met personeel te deel en enige uitvoerbare voorstelle wat gemaak is, in werking te stel. U word daaraan herinner dat die WKOD se amptelike klagtemeganisme deur die Direktoraat: Kommunikasie bestuur word, en is verkrybaar by https://wcedonline.westerncape.gov.za/home/webmaster.html. U kan ook op “Your feedback” op die WKOD-webwerf klik. 8.
8. Toegang tot die volledige 2017-opname van die kliëntetevredenheidsverslag kan op die WKOD-webwerf by https://wcedonline.westerncape.gov.za/documents/PlanningStrat/
ReportsandStudies/WCEDReports/WCED-CustomerSatisfactionSurvey2017.pdf verkry word. Deel asseblief die inhoud van hierdie minuut met alle institusionele personeel.
9. Die WKOD bedank almal wat aan hierdie opname deelgeneem het om ons te help terwyl ons strewe na beter dienslewering aan u, ons kliënte.


GETEKEN: BK SCHREUDER
HOOF: ONDERWYS
DATUM: 2018:02:21