| 1. |
Ngokomyalelo weSebe leMfundo esiSiseko (ISebe iDBE), ingcaciso yabafundi bamaBakala 10 - 12 mayirekhodwe kwi-National Examination System. |
| 2. |
Le ngcaciso imfutshane mayifundwe neSetyhula 00028/2016, neNgcaciso eMfutshane 0001/2018 kwakunye neNgcaciso eMfutshane 0004/2018 zeCandelo loLawulo loLwazi neNgcaciso ezimalunga nokulawulwa nokusingathwa kotshintsho kwizifundo zabafundi nedatha yabafundi kwiCEMIS. |
| 3. |
Kuvuliwe ukusebenza kwesistim (functionality) kwiCEMIS ukulungiselela izikolo ukuba zenze izilungiso kwiinkcukacha zabafundi bazo. |
| 4. |
Eli iya kuba lithuba lokugqibela lezikolo ukuba zenze naziphi na izilungiso kwingcaciso eziinkcukacha zabafundi bazo bamaBakala 10-12 phambi kokuba idatha ikhutshelwe kwi-National Examination System. |
| 5. |
Ingcaciso engabafundi bebanga leshumi kwiCEMIS iya kutsalwa ifunyanwe (extracted) ize ikhutshelwe kwi-National Examination System nge-27 Juni 2018. Onke amaphepha emibuzo namaxwebhu anxulumene noviwo aya kupakishwa yaye ahanjiswe ezikolweni ngokwedatha yeCEMIS esayinelwe ziinqununu. |
| 6. |
Le nkqubo yokungqinisiswa kwedatha (verification process) ngo-2018 ifuna izikolo ziyisayinele yaye ziyingenise ingxelo kwaNdlunkulu ukungqinisisa ukuba yonke ingcaciso engabafundi kwiCEMIS ichanekile yaye ilungele ukukhutshelwa kwi-National Examination System. |
| 7. |
Iinqununu maziyingqinisise, ziyisayinele yaye ziyingenise ingcaciso engabafundi echanekileyo ngale mihla ilandelayo: |
| 7.1 |
EyeBakala 12 — ngoLwesihlanu, we-15 Juni 2018 |
| 7.2 |
EyeBakala 11 — ngoLwesibini we-31 Julayi 2018 |
| 7.3 |
EyeBakala 10 — ngoLwesibini we-31 Julayi 2018 |
| 8. |
Ukungqinisiswa kwengcaciso eziinkcukacha zabafundi |
| 8.1 |
Inombolo yesazisi (identity number) yomfundi licandelo elinyanzelekileyo (compulsory field) njengoko i-National Examination System ibakhaba (rejects) abafundi abangenazo iinombolo zezazisi. Abafundi abangenazo iinombolo zezazisi abayi kusifumana iSatifikethi seMatriki sikaZwelonke. Ngako oko kubalulekile ukuba bonke abafundi bafake izicelo zamaxwebhu ezazisi zabo kwiBakala 10. Okwexeshana kusenokusetyenziswa inombolo yesazisi ebonakalisiwe kwisatifikethi sokuzalwa. |
| 8.2 |
Abafundi abangengabo abemi beli lizwe (kuqukwa abafundi bamanye amazwe abahlala isigxina kweli lizwe), mababe nepasipothi kunye nepemithi yokufunda. Ayakwamkelwa amaxwebhu abafundi abakweli lizwe ngokuza kufuna igwiba lezokhuseleko (asylum documents). Abafundi abangengabo abemi beli lizwe nabebeyinxalenye yeNkqubo yeSikolo yaseMzantsi Afrika (South African Schooling System), kodwa babe bengenawo amaxwebhu ayimfuneko okubhalisela iimviwo zeNSC ngo-2018, baya kuvunyelwa babhalisele iimviwo kodwa abayi kunikwa iziphumo zeNSC de beze namaxwebhu asemthethweni ayimfuneko. |
| 8.3 |
Makutshekishwe upelo lwamagama apheleleyo neefani. Amele ukufana amagama nalawo avele kuxwebhu olunenombolo yesazisi somfundi (learner’s identity document)/kwisatifikethi sokuzalwa/passport. |
| 8.3.1 |
Ukuba abafundi batshintsha amagama neefani zabo kwithuba okanye zingadlulanga iintsuku eziyi-90 emva kokubhala iimviwo zeSatifikethi seMatriki sikaZwelonke zeBakala 12, okanye emva kokukhutshelwa kwiCEMIS ukusiwa kwiNational Examination System, makuthunyelwe kumagosa eemviwo achaphazelekayo adweliswe kwiTheyibhili 1, iikopi eziqinisekiweyo zamaxwebhu ezazisi amadala namatsha nengxelo efungelweyo (affidavit) echaza isizathu sokwenziwa kotshintsho. |
| 8.4 |
Inombolo yeselula yomzali womfundi/yomgcini womfundi licandelo elinyanzelekileyo. ISebe leMfundo leNtshona Koloni (ISebe iWCED) lisebenzisa iinkonzo ze-SMS ukunxulumana nabafundi ngemiyalezo ebalulekileyo emalunga neemviwo. |
| 8.5 |
Abafundi abavela kwamanye amazwe nabafundi abaneemfuno ezizodwa zemfundo abakhetha ukubhala uViwo lweNSC olu-endosiweyo (endorsed NSC Examination) mababoniswe ngolo hlobo kwiCEMIS. |
| 9. |
Inkqubo emayilandelwe kwiCEMIS |
| 9.1 |
Makulandelwe imiyalelo ecacileyo kwiCEMIS engokuba itsalwa ifunyanwe njani na ifayili kwelo bakala nakuloo klasi ithile. |
| 9.2 |
Mayiprintwe ishedyuli. |
| 9.3 |
Bonke abafundi mabazingqinisise iinkcukacha zabo (igama, ifani, iNombolo yeSazisi, uluhlu lwezifundo) baze basayine ukubonisa ukuba zichanekile. |
| 9.4 |
Iimpazamo ezixelwe ngabafundi kwishedyuli mazilungiswe ngumlawuli weCEMIS wesikolo. Oku makungqinisiswe yinqununu yesikolo okanye ngulowo idlulisele kuye amagunya. |
| 9.5 |
Iishedyuli ezilungisiweyo mazithunyelwe kubazali ukuze bazisayine baze bazibuyisele ezikolweni. |
| 9.6 |
Iishedyuli emva koko mazisayinwe yinqununu/yintloko yebakala. Inqununu mayizisayinele iishedyuli kwiCEMIS ukuqinisekisa ukuba le nkqubo igqityiwe. |
| 9.7 |
Makwenziwe ikopi yezi shedyuli zisayiniweyo. Mayigcinwe le kopi esikolweni ngenjongo yokugcina iirekhodi zesikolo ngokwaso yaye ishedyuli yentsusa mayithunyelwe kumagosa achaphazelekayo kwi ofisi yesithili akwiTheyibhili 1.
ITHEYIBHILI 1
|
| 10. |
Iimpazamo kwizifundo zabafundi beBakala 12 mazithunyelwe kuNkzn G Laguma kwaNdlunkulu (nge-imeyili: Gail.Laguma@westerncape.gov.za okanye kule nombolo yefoni: 021 467 2913). Izikolo mazingenise izicelo zamaBakala 10 no-11 zezilungiso kwizifundo njengoko kucacisiwe kwiSetyhula 00028/2016 yomhla we 30 July 2016 nakwi Circular 0022/2018, yomhla we 15 May 2018. |
| 11. |
Kuya kuthathwa njengesitenxo ukuzaliswa kwefom yesiHlomelo seSBA ukwenza utshintsho okanye izilungiso kwizifundo, ukuba zikho. |
| 12. |
Kwimeko apho umfundi esenza uMculo njengesifundo, isiHlomelo A esiqhotyoshelweyo (uluhlu lwabaviwa boMculo), maluzaliswe luze luthunyelwe kumagosa achaphazelekayo kwi ofisi yesithili njengoko kubonisiwe kwiTheyibhile 1. |
| 13. |
Le ngcaciso imfutshane nayo mayithunyelwe kubo bonke abaququzeleli bamaBakala 10 ukuya ku-12 nakubalawuli beCEMIS. |
ISAYINWE: NGU-PAD BEETS
USEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2018:05:30
|
 |