1. |
Kulo nyaka, iSebe leMfundo leNtshona Koloni (WCED) liza kuphinda kwakhona libhiyozele impumelelo yabafundi bethu kwisifundo soBugcisa boKubonwayo (Visual Art) ngoMboniso weSebe iWCED i-WCED Visual Art Exhibition wesibini obanjwa kwisithili ngasinye kwezi zithili zisibhozo. Umbhiyozo uya kufikelela encotsheni ngoSeptemba ngomboniso wephondo oya kuqhubeka nge-15 Septemba 2018 e-PJ Olivier Art Centre e-Stellenbosch. |
2. |
Kumenywa bonke abafundi bamaBakala R ukuya ku-9 kuzo zonke izikolo zeSebe iWCED ukuba bathathe inxaxheba kwesi siganeko. |
3. |
Injongo yombhiyozo wezobugcisa kukukhuthaza ubuchule babafundi nesakhono sabo sokutolika indlela abayibona ngayo imixholo ekucetyiswa ngayo kumsebenzi wobugcisa bokubonwayo. |
4. |
Njengoko uBugcisa boKubonwayo (Visual Art) buyinxalenye ye-Curriculum and Assessment Policy Statement (CAPS), ye-Creative Arts, ootitshala banokusebenzisa imisebenzi yobugcisa ekumila ku-two-dimensional (2D) okanye engu-threedimensional (3D) eyenzelwe lo mbhiyozo njengoMsebenzi woVavanyo oMiselweyo (Formal Assessment Task (FAT)). |
5. |
Oomasifundisane baya kwenziwa kuzo zosibhozo izithili ngenjongo yokunika inkxaso ootitshala kumalungiselelo nokuqhutywa kwalo mbhiyozo. |
6. |
Kucelwa niqaphele esi sikhokelo silandelayo simalunga nokuthatha inxaxheba:
- Ukhuphiswano luvuleleke kubo abafundi kwiCandelo le-GET Band, ukususela kwiBakala R ukuya kwiBakala 9, kuqukwa nezikolo zemfundo eneemfuno ezizodwa.
- Abafundi banokungenisa imisebenzi yobugcisa yabo yemilo ye-2D okanye eye-3D.
- Abafundi bavumelekile bazikhethele naziphi na kwezi zixhobo zokusebenza zimanzi, kunye/okanye zomileyo, nakuba zingaphelelanga kwezi: iipensile, iipeni, ii-watercolours, udidi lwepeyinti ii-temperas, ii-acrylics, iikhrayoni, ii-pastels okanye i-inki, nezinto ngezinto zendalo ezizii-found material, udongwe, umthi, iphepha njalo-njalo.
- Umfundi ngamnye ungenela ngomsebenzi omnye kuphela.
- Yonke imisebenzi engeniswayo mayibe yeyomfundi ngayedwa. Ayivumelekanga imisebenzi engeniswa ngamaqela.
- Yonke imisebenzi yobugcisa engeniswa ngumfundi mayibe ngumsebenzi wentsusa (original work) yaye umfundi akanakutyeshela ilungelo lokupapashiweyo (infringe on any copyright) nokuba leliphi na; umzekelo, ukuzoba into ethile (character) ekwikliphu yomfanekiso (clip art image) okanye ikhathuni (cartoon), kuqukwa no-Manga, ongenakuthathwa njengokuba ngumsebenzi wentsusa.
- Awuyi kwamkeleka umsebenzi wobugcisa owenziwe ngekhompyutha.
- Isayizi yomsebenzi wemilo engu-2D ongenisiweyo ayimele kuba ncinane kunephepha elingu-A5 yaye mayingabikho ngaphezulu kwephepha elingu-A2.
- Umsebenzi wobugcisa wemilo engu-3D mawube yisayizi enako ukulayishwa kwimoto eqhelekileyo.
- Abafundi nabo mababhale inqaku ngomsebenzi wabo wobugcisa bechaza ukuba bawutolike njani na umxholo abawukhethileyo.
- Eli nqaku libhaliweyo lihamba nomsebenzi wobugcisa lingaba ngumhlathi, libali, ngumbongo, amagama awahlukeneyo, njalo-njalo yaye oko kunokuselwa kwigama elinye ukuya kumagama ayi-100 ubuninzi.
- Umsebenzi ngamnye wobugcisa mawuxhonywe kwibhodi emhlophe eyi-white mounting board okanye kwi-white card board.
- Igama lomfundi, ifani, ibakala nesikolo mazitayitshwe (ifonti: engu-Arial, isayizi yefonti: 11) yaye malincanyathiselwe nge-glue stick ngemva kumsebenzi wobugcisa (uyacelwa ungaliqhobosheli).
|
7. |
Ootitshala bayacelwa ukuba baqhagamshelane nomcebisi wesifundo se-Creative Arts kwi-ofisi yesithili yabo ukufumana ingcaciso engaphezulu ngemiboniso yezithili.
Iinkcukacha zoqhagamshelwano zabacebisi bezifundo beCreative Arts zidweliswe apha ngezantsi:
|
8. |
Esi siHlomelo A siqhotyoshelweyo siya kunika ingcaciso engaphezulu ngoku kulandelayo:
- Imixholo ngesigaba ngasinye
- Iifom zokungenela ezifunekayo nezengqinisekiso yokunyaniseka (declaration of authenticity)
- Amanqanaba amathathu omboniso neelinki zokungena kwikhompyutha (electronic links) ezisebenzisekayo zokwazisa ngenkqubo zomboniso wobugcisa ezikolweni
- Imihla yomboniso kwisithili ngasinye
- Irubrikhi yovavanyo
|
9. |
Sithanda ukukhuthaza zonke izikolo zisebenzise eli thuba lokuthatha inxaxheba kule projekthi ibangela umdla. |
10. |
Kucelwa wazise ngokuqulethwe yile ngcaciso imfutshane kubo bonke ootitshala abachaphazelekayo. |
ISAYINWE: NGU-PAD BEETS
USEKELA MLAWULI-JIEKELELE WEKHARITYHULAM NOLAWULO LOVAVANYO
UMHLA: 2018:04:16
|
|