| 1. |
ISebe leMfundo esiSiseko (Basic Education (DBE)) likhethe i-Economic Management Sciences (EMS) njengesifundo esithathwa njengesibaluleke gqitha kunezinye izifundo apha ku-2018. Injongo yoku kukwakha isiseko esiluqilima sazo zonke izifundo zoqoqosho (commerce subjects) kwiCandelo le-Further Education and Training (FET). |
| 2. |
ISebe leMfundo leNtshona Koloni (ISebe iWCED) lifumanise ukuba akukho ukungqinelana ekufundisweni kwe-EMS kuzo zonke izikolo apha kwiphondo. Ngenxa yesi sizathu, kuye kwagqitywa ekubeni kwenziwe uthotho lwamaphetshana eengcebiso alandelelanayo abizwa Tips for EMS teachers aze afakwe rhoqo kwiqonga lonxibelelwano nengcaciso kwiziko lewebhu eliyi-ePortal. |
| 3. |
I-Tips for EMS teachers sisibonelelo sokunika inkxaso ootitshala be-EMS malunga nokuba bafundise eyiphi na ikhontenti kwakunye nendlela enokusetyenziswa ebubuchule bokufundisa (pedagogy). |
| 4. |
Injongo yesi sibonelelo kukomeleza umgangatho wokufundisa nokufunda, ukufundisa imixholo, ikhonsepthi nokunxulumana kwazo kwesi sifundo, nokuqonda ngezihloko nemixholo emalunga nonxulumano phakathi kwamazwe ebhekiselele kuso. |
| 5. |
Esi sibonelelo seengcebiso siya kufakwa qho kwiiveki ezimbini ukuya kwezintathu kwiePortal kweli ziko lewebhu lilandelayo: http://wcedeportal.co.za Khangela isifundo nebakala. |
| 6. |
Iphetshana elineengcebiso i-Tips for EMS teachers lifumaneka ngesiNgesi nangesi-Afrikansi. |
ISAYINWE: NGU-PAD BEETS
IBAMBELA SEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2018:03:20
|
 |