1. I-Natural Science Olympiad kaZwelonke yiprojekthi exhaswa ngemali yiSouth African Agency for Science and Technology Advancement (SAASTA). Injongo yale Olimpiyadi isekubeni:

  • idale umdla kwisayensi kubafundi nokubakhuthaza benze izifundo zesayensi kwiSigaba seMfundo noQeqesho oluQhubelekayo (Further Education and Training Phase)(FET);
  • iqaphele abafundi beeSayensi zeNdalo abaziintshatsheli kuzwelonke;
  • ixhase ootitshala beeSayensi zeNdalo nokuphucula indlela abafundisa ngayo eklasini; kunye
  • nokuqaphela italente kubafundi beeSayensi zeNdalo.
2. I-Olimpiyadi luviwo oluhlupheza ingqondo (stimulating activity) olufuna abathathinxaxheba babonise ukuqiqa (critical thinking), ukukwazi ukusombulula iingxaki (problem-solving abilities), ingqondo yokukwazi ukuvelisa izinto ezintsha kwanesiphiwo sokuyila (innovativeness and creativity). Le nkqubo ixhasa isicwangciso i-Western Cape Education Department's (WCED) strategy for Mathematics and Physical Science. Kukho amabhaso angayiwayo aya kuphunyelelwa ngabo bafundi baziintshatsheli kwi-Olimpiyadi.

3. I-Olimpiyadi luviwo lwemibuzo ekhethisayo (multiple-choice examination) olufumaneka ngesiNgesi kuphela. Lwahlulwe lwaziindidi ezimbini: iSigaba esiPhakathi neSigaba esiPhakamileyo. Luya kubhalwa ukususela ngo-09 :00 ukuya ku-12 :00 ngoLwesibini, nge-08 Meyi 2018. Umhla wokuvala ukubhalisa weNtshona Koloni ungoMvulo, we-05 Matshi 2018.

4. I-WCED kwakhona icela zonke izikolo zithathe inxaxheba kwi-2018 Olympiad. Kucelwa izikolo zizalise kwaye zisayine iifom zokubhalisa eziqhotyoshelwe apha (iziHlomelo A no-B) emva koko zizithumele kwi-SAASTA kusetyenziswa inombolo yefeksi enikiweyo kwifom yamangeno. Izikolo maziqinisekise ukuba ubungqina bentlawulo buthunyelwa ngefeksi bukhatshwa yifom yokubhalisa. Zonke iifom zobhaliso mazifike kwa-SAASTA ungadlulanga u-14:00 ngoMvulo, nge-05 Matshi 2018.

5. Intlawulo yokuthatha inxaxheba kwi-Olimpiyadi yi-R10.00 ngomfundi ngamnye. Le mali mayidiphozithwe ngqo kwi-akhawunti yebhanki ye-SAASTA. Iinkcukacha zebhanki zibhaliwe kwifom yamangeno. Akukho mmiselo omalunga nenani labafundi abanokungenela olu viwo.

6. I-WCED iya kuhlawula amangeno abafundi abasuka kwizikolo ezingahlawulisi fizi nabezikolo ezigxila kwiMathematics, Science and Technology (MST). Zonke ezi zikolo mazithumele amangeno abafundi babo ngqo kuNks Suanne Rampou ungadlulanga owe-15:00 ngoMvulo, nge-05 Matshi 2018.

7. La mangeno banokuwathumela nge-imeyili apha: Suanne.Rampou@westerncape.gov.za okanye athunyelwe kubo ngefeksi engu-086 205 1450.

8. Kucelwa izikolo zikugcine ukuthembeka (integrity) kweOlimpiyadi ngokubagada ngenyameko abaviwa xa bebhala. Siya kukhutshwa ngaphandle kwengxoxo isikolo esiye sachaphazeleka kwisitenxo (an irregularity).

9. Ootitshala nabafundi bayacelwa ukuba batyelele iwebhuseyithiyeSAASTA http://www.saasta.ac.za/competitions/natural-science-olympiad/ ukuze bahlale besazi ngemiba yeNatural Science Olympiad kwaye bakwazi ukufumana amaphepha emviwo neememorandam zeOlympiad zexa elidluliyo


ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2018:02:14

IsiHlomelo A & B: "2018 Natural Science Olympiad Entry form"  (ubukhulu: 277 KB)