1. |
IVeki yeSayensi kaZwelonke (National Science Week) (NSW) ngumbhiyozo waqho ngonyaka weSayensi, iThekhinoloji, uBunjineli, iMathematika neZinto eziNtsha ezinxulumene noko (Science, Technology, Engineering, Mathematics and Innovation) (STEMI). IVeki yeMathematika kaZwelonke iyinxenye yeVeki yeSayensi kaZwelonke (NSW), yona eliphulo leSebe leSayensi neThekhinoloji (Department of Science and Technology) (DST). Iveki yeNSW ilawulwa yiSouth African Agency for Science and
Technology Advancement (SAASTA), eyiyunithi yezoshishino yeNational Research
Foundation (NRF). |
2. |
Ngethuba leveki yeNSW, kuya kugxilwa ngokukodwa ekufundiseni iSayensi, iThekhinoloji, uBunjineli neMathematika. Injongo yoku kukwenza ezi zifundo zibe nomtsalane ngakumbi, zixatyiswe kwaye zibe yinkuthazo kubafundi nakubahlali ngokubanzi. Izikolo zinokuqaqambisa igalelo leSayensi, iThekhinoloji, uBunjineli neMathematika kubomi bethu bemihla ngemihla yaye zigxininise ubaluleko lwezi zifundo njengesiseko samakhondo emisebenzi eyahlukeneyo. IVeki yeNSW iyindlela yokwazisa ngezi zifundo nokwandisa ulwazi lukawonke-wonke, nokuziqonda kakuhle kwanokuzithakazelela ezi zifundo kananjalo. Kulo nyaka, umxholo weveki yeNSW uthi: "Deepening Our Democracy through Science" ekubhiyozeleni iminyaka elikhulu kwanembali kaNelson Rolihlahla Mandela. |
3. |
ISebe leMfundo leNtshona Koloni (iWCED) licela zonke izikolo zenze imisebenzi ekhethekileyo esekelwe kwezi zifundo ngethuba leveki yeNSW kwaye eyona nto inqwenelekayo kukuba kubandakanywe abafundi nabazali babo. Ugxininiso lusekubeni mababe nolwazi ngeSayensi, iThekhinoloji, uBunjineli neMathematika kubomi bethu bemihla ngemihla, bakonwabele ukuzifunda ezi zifundo kwanokuthatha inxaxheba ngokukhutheleyo. |
4. |
Le mibutho ingekho phantsi kukarhulumente (NGOs) ilandelayo ngabaxhamla igranti (grant holders) nabasele befumene inkxaso-mali kwiSAASTA yokuqhuba iiprojekthi eziquka iSayensi, iThekhinoloji, uBunjineli neMathematika ngethuba leveki yeNSW:
Abaxhamla igranti ka-2018 ye-Western Cape SAASTA |
Umbutho |
Umntu ekuqhagamshelwana naye |
Arcelor Mittal Science Centre |
Nks Jacque Willems Iselula: 074 719 8904 Nks Lekgabe Dihlabi Iselula: 082 449 4580 Ifoni yase-ofisini: 022 719 1058 |
Cape Town Science Centre (CTSC) |
Mnu MJ Schwartz Iselula: 079 839 4638 Ifoni yase-ofisini: 021 300 3200 |
iThemba LABS |
Nks Luchricia Sidukwana Iselula: 072 228 4423 Mnu Ambrose Yaga Iselula: 072 988 8893 Mnu Hilton Tobias Iselula: 081 771 7367 Ifoni yase-ofisini: 021 843 1021 |
South African Astronomical Observatory (SAAO) |
Mnu Pranesthan Govender Iselula: 072 022 6743 Tel. no.: 023 571 2436 Mnu Sivuyile Manxoyi Nks Buzani Khumalo Iselula: 083 476 1131 Ifoni yase-ofisini: 021 447 0025 |
South African National Space Agency (SANSA) Space Science, Hermanus |
Nks Elisa Fraser Iselula: 071 473 3337 Ifoni yase-ofisini: 028 312 1196 |
Split Second Science |
Mnu Felix Spies Iselula: 076 732 7155 |
SAOEN |
Mnu Thomas Mtontsi Iselula: 081 375 5658 Ifoni yase-ofisini: 021 402 3201 |
SAIP - South African Institute of Physics |
Nks Ndanga Mahani Iselula: 079 563 6471 Ifoni yase-ofisini: 012 841 2655 |
|
5. |
Ngena apha www.wcedcurriculum.westerncape.gov.za ngokuphathelele kwiprogram yemisebenzi enxulumene naleyo kwakunye neembono zootitshala nezabazali ukubhiyozela iveki yeNSW eNtshona Koloni. |
6. |
IWCED inqwenela ukunika izikolo ithuba lokwabelana ngemisebenzi yazo namagosa kunye nezinye izikolo ezikwiphondo. Kukhuthazwa izikolo ukuba maziwabandakanye amagosa esithili kwanokuthatha iifoto kunye neekliphu zevidiyo ukulungiselela upapasho olunokwenzeka kwiziko lewebhu leWCED. Ezi zinto zinokunikwa abacebisi ngezifundo ukuba bazikhuphele kwiziko lewebhu. Amanye amajelo othungelwano oluntu, anjengoFacebook noYouTube, anokunikwa ingqwalaselo kananjalo. |
7. |
IWCED iyawathakazelela amanye amalinge ootitshala bethu okwenza ukufunda nokufundisa iSayensi, iThekhinoloji, uBunjineli neMathematika kube yinto emyoli. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2018:07:04
|
|