1. ISebe leMfundo leNtshona Koloni (iWCED) lenza izifundo ezisasazwa ngeqonga loqhagamshelwano eliyi-interactive telematics platform (izifundo zithiwa thaa (beamed) ngethekhinoloji yesathalayithi) ngoFebruwari ukuya kuNovemba 2018.

2. Kwiminyaka embalwa edlulileyo ezi zifundo zazijoliswe ngokukodwa kubafundi beBakala 12, kungoko kumiselwe iziko ledatha elandisiweyo ukwenzela ukuquka izifundo ezithile ngokukodwa okuqulethwe liBakala 12.

3. Abaviwa ababhala iiMviwo zokuXabangela zeSatifikethi seMatriki sikaZwelonke (iNSC) zingakufumana okuqulethwe liBakala 12 ngokuthenga izifundo zokuncedisa ezifumaneka kwiDVD ngexabiso elingephi ukusuka eWCED ngokufonela u-021 689 9536.

4. Ugxininiso lwango-2018 luya kuba kumaBakala 10, 11 nele-12 (khangela umhlathi 7 olapha ngezantsi).

5. Ukongeza kwiinkqubo ezisasazelwa abafundi, iiseshoni zophuhliso lootitshala ziya kwenzelwa ootitshala besiNgesi, abezeMbali, abeBusiness Studies kunye nabeMathematika.

6. Ngenxa yokuba ithayimtheyibhile iquka inani lezifundo namabakala ahlukeneyo, kubalulekile ukuba ootitshala nabafundi balandele le thayimtheyibhile ngenkathalo enkulu.

7. Kuya kwenziwa ezi zifundo zilandelayo:

  • IsiNgesi FAL (iBakala 11 nele-12)
  • IsiNgesi HL (iBakala 11 nele-12)
  • IFizikhali Sayensi (iBakala 11 nele-12)
  • IAkhawuntingi (iBakala 11 nele-12)
  • IJografi (iBakala 12)
  • IsiAfrikansi HL (iBakala 12)
  • EzeMbali (iBakala 10 no-12)
  • IiSayensi zoBomi (iBakala 10 nele-11)
  • IBusiness Studies (iBakala 11 nele-12)
  • IMathematika (iBakala 11 nele-12)
8. IsiHlomelo A esiqhotyoshelweyo apha sichaza ithayimthebhile yezifundo nezihloko.

9. Izihloko zezifundo ziya kuprintwa kwiincwadana zabafundi eziya kunikwa umfundi ngamnye kwisifundo ngasinye kwezichaziweyo.

10. Abeniki-ngcaciso (presenters) iya kuba ngootishala abakhokelayo (lead teachers) ngenxa yobungcali babo kwizifundo zabo.

11. Ngenxa yokuba izifundo ziqhutywa apha evekini emva kweeyure zesikolo, kubalulekile ukuba iinqununu zixoxe ngamalungiselelo namabhunga olawulo azo kunye nabazali babafundi.

12. Ukuya qho kwabafundi kwezi zifundo kuya kubekwa esweni qho nguNdlunkulu nangamagosa ezithili.

13. Kuya kulindeleka iinqununu zinike ingxelo qho ngekota ngokuya kwabafundi kule nkqubo, kwakunye nempumelelo okanye ubunzima abadibene nabo kule nkqubo.

14. Usasazo lwenziwa ngaxeshanye (simulcast) ngosasazo lwe-telematics oluthiwa thaa (beamed) kwakhona ngosasazo ngqo (live streaming). Oku kuyenzeka ngenxa yenkonzo ye-intanethi i-broadband kwizikolo zaseWCED. Izikolo ezingenayo ithekhinoloji yesathalayithi kodwa ezikwaziyo ukungena kwinkonzo ye-intanethi i-broadband ziyakhuthazwa zisebenzise le program yasimahla negqwesileyo. Ezi nkqubo zosasazo neemathiriyeli ezinxulumene nazo zingafumaneka apha https://wcedonline.westerncape.gov.za/documents/telematics/telematics.html. Izikolo ezinqwenela ukufumana ezi zifundo zisasazwa ngqo mazibhalise ngokuzalisa ifom kaGoogle apha https://goo.gl/forms/027fKIZJRltwlUoq1 phambi kwe-31 Januwari 2018.

15. Ukuba unayo nayiphi na imibuzo ngeli phulo, kucelwa uqhagamshelane noRodney Johnson kwifoni 021 467 2173 okanye nge-imeyili rodney.johnson@westerncape.gov.za.

16. Kucelwa iinqununu zazise okukule ngcaciso imfutshane ootitshala abachaphazelekayo, abafundi bamaBakala 10, 11 no-12 kwanabazali okanye abagcini babo ukuze bakuthathele ingqalelo.


ISAYINWE: NGU-H. MAHOMED
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2018:01:26

IsiHlomelo A: "Telematics schedule for 2018"  (ubukhulu: 75 KB)