1. |
ISebe leMfundo leNtshona Koloni (iWCED) lilungise incwadana u-Tips for Success ukulungiselela umfundi ngamnye waseNtshona Koloni ka-2018 weSatifikethi seMatriki sikaZwelonke (NSC) ukubanceda ekulungiseleleni iimviwo zabo. Le ncwadana inika iingcebiso ngokufunda, iingcebiso ngeemviwo, iinkcukacha ngeebhasari, iingcebiso ngokuphumelela kwanenye ingcaciso eluncedo. |
2. |
Le ncwadana mayinikwe umfundi ngamnye weBakala 12 kwikota yokuqala ka-2018. |
3. |
Ukongeza kwiincwadana eziya kubafundi, kuya kufakwa iincwadi ezongezelelweyo kwisikolo ngasinye kutitshala ngamnye weBakala 12. Ezi ncwadana ziya kusiwa ngamagosa ezithili kuzo zonke izikolo eziphakamileyo. |
4. |
Ukuba kuthe kanti inani leencwadana ezisiwe esikolweni alichanekanga, kucelwa uqhagamshelane ne-ofisi yesithili sakho. Iincwadana ezingaphezu kwemfuneko mazibuyiselwe kwi-ofisi yesithili. |
5. |
Ukwenzela ukuba ezi ncwadana zibe nesiphumo esinqwenelekayo sokuncedisa abafundi ngamalungiselelo eemviwo zabo, kucetyiswa ngamandla ukuba ootitshala mabaxoxe ngokuqulethwe yile ncwadana neeklasi zabo zeBakala 12 kwaye bakhuthazwe abafundi ukuba bayifunde. |
6. |
Amaphepha emibuzo eemviwo zeNSC ezidlulileyo neememorandam zokumakisha zingafumaneka apha https://wcedonline.westerncape.gov.za/documents/Matric/matric-n/index.html
|
7. |
Kucelwa wazise okukule ngcaciso imfutshane bonke ootitshala ukuze bakuthathele ingqalelo.
|
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2018:01:19
|
|