| 1. |
ISebe leMfundo esiSiseko (iDBE) lakhupha iSetyhula S14 ka-2017 (iqhotyoshelwe njengesiHlomelo A), emalunga noNcwadi oluzimiselwe ukufundwa kuzo zonke iilwimi zasebuRhulumenteni kwinqanaba loLwimi lweeNkobe, kweloLwimi lokuQala nolwesiBini oloNgezelelweyo kwiimviwo eziya kubhalwa Oktobha/Novemba 2018 no Meyi/Juni 2019. |
| 2. |
Ngo-2017, iSebe leMfundo esiSiseko (iSebe iDBE) laqalisa iincwadi zoncwadi ezintsha ngokwekhathalogu yoncwadi eyakhutshwa ngo-2015. Ngenxa yokungabikho kwemathiriyeli yazo zonke iindidi zoncwadi (genres) nakuzo zonke iilwimi, iSebe iDBE, kwiSetyhula E39 ka-2016, lacacisa inkqubo yokuqaliswa koku emayilandelwe ebhekiselele ekugqityweni kwekhathalogu yokugqibela ngo-2017. |
| 3. |
Bekucingelwa ukuba inokugqitywa le nkqubo yokuvavanya imathiriyeli yoncwadi entsha nokuba kube nokuqaliswa ngeseti epheleleyo entsha yeencwadi zoncwadi ukususela ngo-2018 kuzo zonke iilwimi zaseburhulumenteni. Kodwa nakuba kwenziwe iinkqubo zovavanyo ezahluka-hlukeneyo, kusekho izikhewu ezithile ezikhoyo kule nkqubo. |
| 4. |
Ngenxa yoku kucacaiswe ngentla apha, iSebe iDBE liyalela ukuba mayihlale injalo ingatsintshwa inkqubo ecaciswe kwiSetyhula E39 ka-2016 (iqhotyoshelwe njengesiHlolmelo B). |
| 5. |
ISebe iDBE aliyi kumisela zincwadi zoncwadi zintsha zango-2018 ukulungiselela iimviwo zeSatifikethi seMatriki sikaZwelonke (NSC) ngo-Oktobha/Novemba 2018 nangoMeyi/Juni 2019. Kucingeleka ukuba iya kukhutshwa ngo-2018 ikhathalogu yokugqibela ukulungiselela ukuqaliswa kwayo ngo-2019. |
| 6. |
Le nkqubo iya kusebenza kubafundi ababhala iimviwo zeNSC ngo-Oktobha/Novemba ngo-2018 nakwabo babhala iimviwo zeSatifikethi seMatriki ngoMeyi/Juni 2019. |
| 7. |
Ziyacelwa izikolo ziqhubeke ukusebenzisa iincwadi zoncwadi ezimiselwe ukufundwa njengoko kucaciswe kwiSetyhula E39 ka-2016. |
| 8. |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2018:01:19
|
 |