1. |
UMsebenzi woVavanyo okuMgangatho ofanayo(Common Assessment Task (CAT)) weSifundo soLwazi ngezoBomi (LO) uya kubhalwa nge-03 Septemba 2018 ngokweNgcaciso eMfutshane yeCandelo loVavanyo 0008/2018. |
2. |
Iingxoxo ngesikhokelo sokumakishwa kwe-CAT ye-LO |
2.1 |
Iintlanganiso zeengxoxo ngesikhokelo sokumakisha zezithili ziya kuqhubeka ukususela ngowe-11 ukuya kowe-13 Septemba 2018. Izikolo ziya kufumana isikhokelo sokumakisha sokugqibela kwintlanganiso yeengxoxo zesikhokelo sokumakisha yesithili. |
2.2 |
Kunyanzekile ukuba ibe ngutitshala weSifundo soLwazi ngezoBomi (LO) omnye kwisikolo ngasinye ubuncinane omakabekho kwiintlanganiso zeengxoxo ngesikhokelo sokumakisha. |
2.3 |
Iincwadi zeempendulo zinokukhutshwa kwigumbi elinqatyisiweyo kuphela emva kokugqitywa kwentlanganiso zesikhokelo sokumakisha zesithili. |
3. |
Ukumakishwa nokumodareyithwa kwangaphakathi kwe-CAT ye-LO |
3.1 |
Ukumakishwa kwe-CAT ye-LO makuqhutyelwe esikolweni phantsi kweliso lenqununu notitshala oneqhuzu okanye nentloko yesifundo ebambele njengemodareyitha yangaphakathi. |
3.2 |
Inkqubo yokumakisha ezikolweni iqala nge-14 Septemba 2018 yaye mayigqitywe ungadlulanga owe-21 Septemba2018. |
3.3 |
Apho kukho ngaphezu kotitshala omnye ofundisa i-LO esikolweni, iinqununu zimele ukuqinisekisa ukuba ootitshala abazimakishi iincwadi zeempendulo zabafundi ababafundisayo. |
3.4 |
Ubuncinane ziipesenti ezilishumi zeencwadi zeempendulo ezimakishiweyo emazi modareyithwe ngutitshala oneqhuzu okanye yintloko yesifundo. |
4. |
Ukumodareyithwa kweempendulo zabafundi kwiphondo nakwisithili |
4.1 |
UMcebisi weSifundo se-LO makamodareyithe isampula yeencwadi zeempendulo kwizikolo ezikhethiweyo. Oku kumodareyithwa kuya kuqhubeka ukususela nge-25 ukuya kwi-28 Septemba 2018. |
4.2 |
Ukumodareyithwa kwe-CAT ye-LO kwiphondo kuya kuqhutywa ukususela kwi-01 ukuya kwi-03 Oktobha 2018. |
5. |
Abafundi abangekhoyoesikolweni ngowe-03 Septemba 2018 |
5.1 |
Makugcinwe irekhodi echanekileyo yabo bonke abafundi abangayibhaliyo i-CAT ye-LO ngowe-03 Septemba 2018. |
5.2 |
Abafundi abangayibhaliyo i-CAT ye-LO nge-03 Septemba 2018 ngenxa yesizathu esiphathekayo, baya kuvunyelwa ukuba bayibhale i-CAT ye-LO yokuxabangela ecwangciselwe ukubhalwa ngowe-10 Oktobha 2018 ukususela ngo-09:00 ukuya ku-11:00. |
5.3 |
Kule meko, kubandakanywa oku kulandelayo "njengezizathu eziphathekayo":
- ukugula, okuxhaswa sisatifikethi sokugula esisemthethweni, esikhutshwe ligosa lezonyango elibhalisiweyo (registered medicalpractitioner);
- izizathu eziphenjelelwa luvelwano lobuntu ezibandakanya ukusweleka kwelungu losapho elisondeleyo kumfundi ezixhaswa yikopi yesatifikethi sokusweleka;
- umfundi oya kuvela enkundleni yamatyala, yaye oko makuxhaswe bubungqina obubhaliweyo;
- nasiphi na esinye isizathu esinokwamkelwa njengesizathu esisemthethweni yintloko yequmrhu lovavanyo okanye ngummeli wayo.
|
5.4 |
Ubungqina obungamaxwebhu aphathelele kuzo naziphi na izizathu ezisemthethweni kwezi zingentla makagcinwe efayilini esikolweni yaye makenziwe afumaneke kwaNdlunkulu okanye kwisithili xa eceliwe. |
6. |
Ukulawulwa kokubhalwa kwe-CAT ye-LO yokuxabangela |
6.1 |
Ziyacelwa iinqununu zenze amalungiselelo ayimfuneko okuqhutywa kolu vavanyo yaye maziqinisekise ukuba izikolo zazo ziyayithobela yonke imiqathango nemigaqo emalunga neemviwo zeSatifikethi seMatriki sikaZwelonke (National Senior Certificate (NSC)). |
6.2 |
Amaphepha emibuzo e-CAT ye-LO yokuxabangela aya kunikwa kuphela izikolo ezibaxelileyo abafundi abangekhoyo nge-03 Septemba 2018. Amaphepha emibuzo okuxabangela aya kunikwa izikolo phambi okanye ngowe-10 Oktobha 2018. |
6.3 |
Nayiphi na imibuzo emalunga nokubhalwa kwe-CAT ye-LO mayibheksiwe ku-Mnu Christiaan Klopper nge-imeyili apha: Christiaan.Klopper@westerncape.gov.za okanye ngefoni apha 021 467 2407. |
6.4 |
Ii-ofisi zezithili ziya kuzinika izikolo isikhokelo sokumakisha se-CAT ye-LO yokuxabangela. Ii-ofisi zesithili nazo ziya kuqinisekisa nokuba ukumakishwa kwephepha lokuxabangela kumodareyithwa ngaphakathi ezikolweni kwakunye nangaphandle yi-ofisi yesithili echaphazelekayo. |
6.5 |
Abafundi abangayibhaliyo i-CAT ye-LO okanye i-CAT ye-LO yokuxabangela ngo-2018 baya kufumana iziphumo ezingaphelelanga kwiSifundo se-Life Orientation (LO).Aba bafundi kuya kufuneka basiphinde isifundo, kuqukwa ne-School-based Assessment(SBA) ne-CAT ye-LO. |
7. |
Kucelwa wazise ngale ngcaciso kubo bonke ootitshala nabafundi beBaKala 12 beSifundo seLife Orientation ukuze bayithathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2018:08:31
|
|