| 1. |
Uqinisekiso lomgangatho, ulawulo olusemgangathweni nokusingathwa kweemviwo ngempumelelo yimiba ebalulekileyo kuwo onke amanqanaba nakuwo onke amaziko (karhulumente nalawo azimeleyo) ukuqinisekisa imfezeko nokuthembeka kweemviwo. Oku kubandakanya ukutyelelwa okungaxelwanga kwangaphambili ngamagosa angabakhi-mkhanya atyunjwe liSebe leMfundo leNtshona Koloni (ISebe iWCED), kwamaziko okubhalela iimviwo kwakunye neenqununu/nabaphathi bamaziko okubhalela iimviwo abamkele uxanduva lokuphendula ngokuqhubekayo kuzo zonke iimviwo eziqhubeka ezikolweni zabo. |
| 2. |
Imimiselo nemigangatho eyeyona isezantsi ekubekweni esweni kwamaziko okubhalela iimviwo ngethuba leemviwo zeSatifikethi seMatriki sikaZwelonke (NSC), icaciswa kumgaqo-nkqubo National policy pertaining to the conduct, administration and management of the National Senior Certificate Examination. |
| 3. |
ISebe iWCED ngokwenjenje licela ootitshala ababeqeshiwe ngaphambili okanye amagosa anamava ngokubhalwa nolawulo lweemviwo afanelekileyo, enze isicelo kwisithuba sokuba ligosa elingumakhi-mkhanya (monitor) elibeke esweni iimviwo zeNSC zango-2018. |
| 4. |
Abenzi-sicelo abalindelekileyo ngabakhe baqeshwa ngethuba elingaphambili njengomphathi wesekethe, ingcali yemfundo eyintloko, isekela-ngcali yemfundo eyintloko, umcwangcisi wekharityhulam omkhulu, umcebisi wezifundo, ingcali yemfundo enkulu, inqununu, isekela-nqununu, intloko yecandelo, igosa loviwo okanye njengomgadi wabaviwa oyintloko okanye omkhulu kweso sikolo sichaphazelekayo. Abenzi-sicelo mabasebenzise izithuthi zabo ukuya kumaziko okubhalela iimviwo. |
| 5. |
Amagosa angabakhi-mkhanya aya kuqeshwa ukususela ngowe-15 Oktobha 2018 kude kube ngowe-28 Novemba 2018 yaye aya kufumana uqeqesho lokubeka esweni iimviwo ngaphambi kokuqala kwazo. |
| 6. |
Intlawulo yamagosa angabakhi-mkhanya isekelwe kumaqondo entlawulo (rates) akwi-Personnel Administrative Measures (PAM). |
| 7. |
Izicelo mazingeniswe ku-Moya Combrink phambi okanye ngowe-31 Julayi 2018:
Maziziswe ngesandla apha:
The Head: Education
For attention: Ms Moya Combrink
Directorate: Assessment Management
Western Cape Education Department
5th Floor, Grand Central Towers
Lower Parliament Street
Cape Town 8001
okanye (kukhethwa ukuba) ziskenwe yaye zithunyelwe nge-imeyili apha:
Moya.Combrink@westerncape.gov.za |
| 8. |
Ziyacelwa iinqununu, abalawuli bezithili, abaphathi beesekethe nabacebisi bezifundo ukuba bazise ngokuqulethwe yile ngcaciso imfutshane kubo bonke abenzi-sicelo abalindelekileyo. lCandelo loLawulo loVavanyo alinakubekwa tyala ngokuba abenzi-sicelo abalindelekileyo bengaziswanga ngokuqulethwe apha.
|
| 9. |
ISebe iWCED lithembele kwintsebenziswano nakwinkxaso yenu kulo mbandela ubaluleke kangaka. |
ISAYINWE: NGU-PAD BEETS
USEKELA MLAWULI-JIKELELE WEKHARITYHULAM NOLAWULO LOVAVANYO
UMHLA: 2018:06:18
|
 |