| 1. |
ISebe leMfundo esiSiseko (iDBE) lakhupha i-National Assessment Circular 1 ka-2018 nge-12 Septemba 2018, echaza ukuba isicelo sokutshintshwa kwamanqaku apha naphaya kunye nokunyuselwa kwabafundi kwiimeko ezizodwa kwiSigaba esiPhakamileyo (kumaBakala 7–9) ngalo nyaka. |
| 2. |
Ngo-2018 ukutshintshwa kwamanqaku apha naphaya kunye nokunyuselwa kwabafundi kwiimeko ezizodwa kumaBakala 7–9 makusetyenziswe ngolu hlobo lulandelayo: |
| 2.1 |
Ukutshintshwa kwamanqaku apha naphaya okungagqithanga ku-2% makusetyenziswe kwizifundo ezingagqithanga kwezintathu. |
| 2.2 |
Okulandelayo makutshintshwe amanqaku pha naphaya kwiMathematika. Ukuba umfundi uzifezekisile zonke iimfuno ezimiselweyo zokupasa kwibakala elithile ukuya kwelinye elilandelayo (o.k.t. iBakala 7, 8 okanye u-9 ukuya kwiBakala 8, 9 okanye u-10 ngokulandelanayo), kodwa engaphumelelanga ngenqanaba 3 (40%) kwiMathematika ukuze ngoko ke kufuneke ukuba agcinwe kwelo bakala, loo mfundi ulolu hlobo makanyuselwe kwiMathematika. |
| 3. |
Izikolo ezisebenzisa iiprogram zokurekhoda nokwenza iiripoti zeSebe leMfundo leNtshona Koloni (WCED recording and reporting programmes) kumaBakala 7, 8 no-9, mazilandele le nkqubo ichazwe apha ngezantsi: |
| 3.1 |
Ziya kucelwa izikolo zikhuphele (download) iiprogram ezintsha zamaBakala 7, 8 no-9 kwi-CEMIS (2018 Version 3) kwiKota 4 ka-2018 zize zizivule (import) iifayili zazo ezikhoyo zibe kwiinguqulelo (versions) ezintsha. |
| 3.2 |
Inkqubo ecacisa amanyathelo ngokulandelelana kwawo iya kunikwa kwi-CEMIS zakuba zifakiwe (uploaded) iiprogram ze-2018 Version 2. Kulindeleke ukuba iiprogram ze-Version 2 ziya kufumaneka ungadlulanga owe-30 Oktobha 2018. Inkqubo yokutshintsha amanqaku pha naphaya neyokunyuselwa kwabafundi iya kwenziwa ngekhompyutha ngokupheleleyo (completely automated). |
| 3.3 |
Ziya kuboniswa ngokuzenzekelayo (automatically) ezi nguqu kwishedyuli, kwikhasi lokungqinisisa (verification page) nakwikhadi i-report card. |
| 4. |
Izikolo ezisebenzisa iiprogram zazo zokurekhoda nokwenza iiripoti nezinabafundi abaya kuchatshazelwa yile nkqubo yokunyuselwa kwabafundi kwiimeko ezizodwa, maziyenze le nkqubo njengoko ichaziwe kwisetyhula eyi-DBE National Assessment Circular 1 of 2018 eqhotyoshelweyo (IsiHlomelo A) ekupheleni konyaka. |
| 5. |
Ishedyuli ehlaziyiweyo, ilisti yabafundi abanamanqaku atshintshwe apha naphaya nekhasi lokungqinisisa (verification page) maziprintwe zingeniswe kumphathi wesekethe ukulungiselela ukungqinisiswa kwazo ekupheleni konyaka. |
| 6. |
Apho kuyimfuneko, imo yokugqibela yokupasa kwabafundi ukuya kwelinye ibakala (final promotion status of learners) kwi-CEMIS, mayifakwe ngolu hlobo, "Promoted with Mathematics condonation". |
| 7. |
Abafundi abaphinda ibakala akufunekanga babekelwe ecaleni kwinkqubo yokutshintshwa kwamanqaku pha naphaya. |
| 8. |
Izikolo kuya kufuneka zisebenzise i-Version 2 yeeprogram zokurekhoda nokwenza iiripoti ukulungiselela ukukhutshelwa kwenkqubo yokugqibela yekota yamaBakala 7–9. |
| 9. |
Kucelwa uqaphele ukuba le nkqubo yokunyuselwa kwabafundi isebenza kuphela ngo-2018 kumaBakala 7, 8 no-9. |
| 10. |
Kwimeko yabafundi beBakala 9, makuqatshelwe ukuba abafundi abangawafumaniyo amanqaku angu-30% kwiMathematika (emva kokuvunywa kokunyuselwa kwabo), abasayi kuvunyelwa bayenze iMathematika kwiBakala 10. Abafundi abalolu hlobo banokubhalisela i-Mathematical Literacy kuphela. Esi sigqibo siya kuzichaphazela ngokunjalo iindibanisela zezifundo (i-Physical Sciences ifuna iMathematika). |
| 11. |
Le nkqubo ingentla yokunyuselwa kwabafundi kwiimeko ezizodwa ayizitshintshi nangayiphi na indlela, iimfuno ezimiselweyo zeeprogram zezifundo okanye iimfuno ezimiselweyo zeeprogram zezifundo kwiSigaba esiPhakamileyo. |
| 12. |
Kucelwa iinqununu zazise okukule ngcaciso imfutshane bonke ootitshala bamaBakala 7, 8 no-9 ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2018:10:17
|
 |