| 1. |
Ngo-2019 i-Cape Teaching and Leadership Institute (CTLI) iya kubonelela kwakhona ngeekhosi zophuhliso lootitshala ezivunywe ngokusemthethweni yiSACE, iinkomfa kunye neesemina kwiinqununu, kumasekela-nqununu, kwiintloko zezifundo nakootitshala, nokuba kungethuba leekota zesikolo okanye ngeeholide zesikolo (isiHlomelo A). |
| 2. |
Zonke iikhosi eziya kuqhutywa yi-CTLI ngo-2019 ziya kufumaneka kwiziko lewebhu le-CTLI: www.wcedctli.co.za ungadlulanga owe-15 Novemba 2018. |
| 3. |
Ootitshala abanomdla wokuya kwezi khosi mababhalise kwiziko lewebhu le-CTLI (Inkqubo yokungena nokubhalisa icacisiwe kwisiHlomelo B). |
| 4. |
ISebe leMfundo leNtshona Koloni (iWCED) liya kuqesha ootitshala abaya kubambela abanye (substitute teachers) ngethuba lokuqhubeka kweekhosi eziya kuhanjwa ngootitshala e-CTLI ngethuba leekota zesikolo, ukuba ngaba:
- akukho titshala ugqithisileyo kwinani labaqeshwe kwisikolo eso;
- utitshala akangotitshala ohlawulwa libhunga lolawulo; yaye
- utitshala akabambelanga omnye utitshala.
|
| 5. |
Luxanduva lwesikolo ukufumana nokutyumba utitshala ofanelekileyo onokubambela omnye utitshala oya ekhosini. |
| 6. |
Bayi-50 kuphela ootitshala abaya kubhaliselwa ikhosi nganye kwezi zenziwa ngethuba lekota yesikolo. |
| 7. |
Ukufumana ingcaciso engaphezulu ngamaphulo ongenelelo ngoncedo e-CTLI ngo-2019, kucelwa ungathandabuzi ukuqhagamshelana nomnye waba baququzeleli beprogram be-CTLI balandelayo:
- Gavin de Bruyn, ifoni 021 900 5062, ifeksi 021 900 5114, i-imeyili: Gavin.DeBruyn@westerncape.gov.za ngazo zonke iikhosi neesemina ze-School Management and Leadership Development.
- Magdalena Benn, ifoni 021 900 5016, ifeksi 086 614 5151, i-imeyili: Magdelena.Benn@westerncape.gov.za ngazo zonke iikhosi zeSigaba seSiseko kunye ne-Language and Mathematics Solutions Conference.
- Natasha Fouche, ifoni 021 900 5018, ifeksi 086 443 6276, i-imeyili: Natasha.Fouche@westerncape.gov.za ngazo zonke iikhosi zeSigaba esiPhakathi nezeSigaba esiPhakamileyo nenkomfa eyi-Language and Mathematics Solutions Conference.
- Lumka NDlungwana, ifoni 021 900 5020, ifeksi 900 5013, i-imeyili: Lumka.Ndlungwana@westerncape.gov.za ngazo zonke iikhosi ze-Inclusive Education nenkomfa ye-Language and Mathematics Solutions Conference.
- Christo Davids, ifoni 021 900 5039, ifeksi 086 731 6833, i-imeyili: Christo.Davids2@westerncape.gov.za ngawo onke amaphulo ongenelelo ngoncedo e-ICT Integration.
|
| 8. |
Kucelwa wazise bonke ootitshala okukule ngaciso imfutshane ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2018:11:22
|
 |