| 1. |
Ter ondersteuning van die e-Leer-Spelwysiger, voorsien die Wes-Kaap Onderwysdepartement (WKOD) skole van riglyne oor e-Veiligheid wat deur die Departement van Basiese Onderwys (DBO) aangebied is. |
| 2. |
Die DBO en die WKOD begryp dat dit noodsaaklik is om ons leerders oor aanlyn/kuberruimte veiligheid te leer. |
| 3. |
Die digitale kopie van die riglyne, wat hierby aangeheg is, mag met alle onderwysers, ouers en beheerliggame gedeel word. 'n Gedrukte kopie in boekievorm sal binnekort aan alle skole gestuur word. |
| 4. |
Om te verseker dat die boekie die gewenste uitkoms behaal om bewustheid te skep en skole voor te berei om die veiligheid van leerders en onderwysers aanlyn te bestuur, moet dit effektief aan alle rolspelers oorgedra word. |
| 5. |
Die elektroniese boekie (en die gedrukte weergawe) bied belangrike insig in die verantwoordelikhede van skole, prinsipale, onderwysers, leerders en ouers/voogde rakende aanlyn veiligheid. |
| 6. |
Die bespreking en verspreiding van die onderstaande is van besondere belang:
- Die voordele asook kommerwekkende kwessies rakende toegang tot inligting en kommunikasietegnologie (IKT) by skole
- Aanlyn teistering en kuberafknouery
- Blootstelling aan onvanpaste materiaal wat aanlyn voorkom
- Onvanpaste of ontoelaatbaar gedrag wat aanlyn voorkom
- Onvanpaste seksuele gedrag wat aanlyn voorkom
- Plagiaat en kopieregskending
- Obsessiewe internetgebruik
|
| 7. |
Die riglyne sal skole in staat stel om hul IKT-beleid en aanvaarbare gebruikersbeleid (AUP) saam te stel. |
| 8. |
Indien u enige navrae het, kontak asseblief u distrik se e-Leer-adviseur:
|
| 9. |
Prinsipale word versoek om die inhoud van hierdie minuut onder die aandag van alle onderwysers te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:16
|
 |