| 1. |
Die Wes-Kaap Onderwysdepartement (WKOD) moedig onderwysers aan om hul digitale hulpbronne op die WKOD se e-Portaal te laai, sodat hulle dit met die res van die onderriggemeenskap kan deel. Hierdie digitale hulpbronne sal dus, regoor die provinsie heen, ander onderwysers asook leerders bereik. |
| 2. |
Om 'n bydrae op die e-Portaal te plaas, moet 'n eenvoudige, eenmalige selfregistrasieproses voltooi word. Die aangehegte dokument, "How to register on the WCED ePortal" (Bylae A), sit hierdie registrasieproses uiteen. |
| 3. |
Onderwysers word aangemoedig om digitale hulpbronne, wat oor hul eie vakgebiede handel, op die e-Portaal te laai. Die aangehegte dokument, "How to add resources to the WCED ePortal" (Bylae B), sit die proses uiteen om digitale hulpbronne op die portaal te laai. Die hulpbronne kan die volgende insluit: |
| 3.1 |
Selfgeskepte videogrepe 'n Onderwysers kan lesse, of dele van 'n les opneem deur 'n selfoon of enige ander geskikte digitale opneemtoestel te gebruik. Gratis sagteware is beskikbaar om met die samestelling van kort videogrepe te help. Hierdie nuttige hulpbronne kan direk op die bewaarplek van die WKOD se e-Portaal gelaai word. |
| 3.2 |
Oop opvoedkundige hulpbronne (open educational resources - (OERs) - 'n Magdom van kurrikulumgebaseerde inhoud is vrylik op die internet beskikbaar. Hierdie hulpbronne kan, afhangende van kopiereg, direk op die bewaarplek van die WKOD se e-Portaal gelaai word. Andersins, kan slegs die url as 'n skakel na die hulpbron op die WKOD se e-Portaal gelaai word. |
| 4. |
Kontak gerus u distrik se e-Leer-adviseur indien u enige verdere bystand oor die bogenoemde verlang. Die e-Leer-adviseurs se kontakbesonderhede is soos volg:
|
| 5. |
Bring asseblief die inhoud van hierdie minuut onder die aandag van alle onderwysers, asook die res van die skoolgemeenskap. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:03:09
|
 |