1. |
Volgens instruksie vanaf die Departement van Basiese Onderwys (DBO), moet Grade 10 tot 12 leerderinligting op die Nasionale Eksamenstelsel aangeteken word. |
2. |
Hierdie minuut moet saam met Omsendbrief 00028/2016, asook Kennis- en -Inligtingsbestuurminuut 0001/2018 en 0004/2018 wat die bestuur en administrasie van leerdervakveranderinge en leerderdata op SOBIS aanspreek, gelees word. |
3. |
Die funksie op SOBIS is oop vir skole om regstellings aan die persoonlike besonderhede van hul leerders te maak. |
4. |
Dit sal die laaste geleentheid vir skole wees om enige regstellings aan hul Grade 10 tot 12 leerderinligting te maak voordat die data na die Nasionale Eksamenstelsel oorgedra word. |
5. |
Graad 12 leerderinligting op SOBIS sal op 27 Junie 2018 onttrek en na die Nasionale Eksamenstelsel oorgedra word. Alle vraestelle en eksamenverwante dokumentasie sal verpak en volgens die SOBIS-data wat deur prinsipale afgeteken is, aan skole versprei word. |
6. |
Die verifikasieproses in 2018 vereis dat skole 'n verslag afteken en by Hoofkantoor indien om te verifieer dat alle leerderinligting op SOBIS korrek en vir die oordra na die Nasionale Eksamenstelsel gereed is. |
7. |
Prinsipale moet hul reggestelde leerderinligting op die volgende datums verifieer, afteken en indien: |
7.1 |
Graad 12 - Vrydag, 15 Junie 2018 |
7.2 |
Graad 11 - Dinsdag, 31 Julie 2018 |
7.3 |
Graad 10 - Dinsdag, 31 Julie 2018 |
8. |
Verifikasie van leerderinligting |
8.1 |
Die identiteitsnommer van 'n leerder is 'n verpligte veld aangesien die Nasionale Eksamenstelsel leerders sonder identiteitsnommers verwerp. Leerders sonder identiteitsnommers sal nie 'n Nasionale Senior Sertifikaat ontvang nie. Dit is dus baie belangrik dat alle leerders in Graad 10 vir hul identiteitsdokumente aansoek doen. Intussen moet die identiteitsnommer wat op die geboortesertifikaat verskyn, gebruik word. |
8.2 |
Leerders wat nie Suid-Afrikaanse burgers is nie (immigrante ingesluit), moet 'n paspoort en studiepermit hê. Asieldokumente sal aanvaar word. Nie-burgers wat deel van die Suid-Afrikaanse Skoolstelsel is, maar nie die vereiste dokumentasie het om vir die 2018 NSS-eksamen te registreer nie, sal toegelaat word om vir die eksamen te registreer, maar die NSS-sertifikaat sal nie aan hulle uitgereik word voor die geldige dokumentasie gelewer word nie. |
8.3 |
Gaan die spelling van volle name en vanne na. Dit moet wees soos dit op die leerder se identiteitsdokument/geboortesertifikaat/paspoort voorkom. |
8.3.1 |
Indien leerders hul name en vanne verander gedurende of binne 90 dae na hulle die Nasionale Senior Sertifikaat-eksamen geskryf het, of nadat die leerderinligting van SOBIS na die Nasionale Eksamenstelsel oorgedra is, moet gewaarmerkte afskrifte van hul ou en nuwe identiteitsdokumente en 'n beedigde verklaring waarin die rede vir die veranderinge genoem word, by die onderskeie eksamen-amptenare, gelys in Tabel 1, gestuur word. |
8.4 |
Die selfoonnommer van 'n leerder se ouer/voog is 'n verpligte veld. Die Wes-Kaap Onderwysdepartement (WKOD) maak van SMS-dienste gebruik om belangrike eksamenverwante inligting aan leerders oor te dra. |
8.5 |
Leerders met spesiale behoeftes wat verkies om vir die geendosseerde NSS-eksamen in te skryf, moet as sodanig op SOBIS aangedui word. |
9. |
Proses wat op SOBIS gevolg moet word |
9.1 |
Volg die duidelike instruksies op SOBIS oor hoe die leer vir die spesifieke graad en klas onttrek kan word. |
9.3 |
Alle leerders moet hul besonderhede (naam, van, identiteitsnommer, lys van vakke) verifieer en teken dat dit korrek is. |
9.4 |
Foute wat deur die leerders op die skedule aangedui word, moet deur die skool se SOBIS-administrateur reggestel word. Die veranderinge moet deur die prinsipaal of sy/haar afgevaardigde geverifieer word. |
9.5 |
Die reggestelde skedules moet aan ouers gestuur word vir ondertekening en na die skool teruggestuur word. |
9.6 |
Die skedules moet dan deur die prinsipaal/graadhoof onderteken word. Die prinsipaal moet op SOBIS afteken dat die proses afgehandel is. |
9.7 |
'n Afskrif van die getekende skedules moet gemaak word. Die afskrif moet by die skool vir die skool se eie rekords bewaar word en die oorspronklike skedule moet na die onderskeie amptenare, in u distrik gelys in Tabel 1, gestuur word.
TABEL 1
|
11. |
Die voltooiing van die skoolgebaseerde assessering (SGA) Bylae vorm vir vakveranderinge of -regstellings, sal as 'n onreëlmatigheid beskou word. |
12. |
In die geval waar 'n leerder Musiek as vak neem, moet die aangehegte Bylae A (Lys van Musiekkandidate) voltooi en na die onderskeie amptenare, in u distrik gelys in Tabel 1, gestuur word. |
13. |
Hierdie minuut moet aan al die Grade 10 tot 12 koordineerders en SOBIS-administrateurs oorhandig word. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:30
|
|