1. Die Nasionale Beleid met betrekking tot die afneem, administrasie en bestuur van die Nasionale Senior Sertifikaat Eksamen vereis dat Provinsiale Onderwysdepartemente moet seker maak dat alle opsieners ingevolge die huidige beleid gepas opgelei is om die Nasionale Senior Sertifikaat- (NSS), Senior Sertifikaat- (SS) en Onderwys en Opleiding vir Volwassenes (OOV) Vlak 4-eksamen af te neem.

2. Die Wes-Kaap Onderwysdepartement (WKOD) sal vanaf 20 Augustus 2018 tot 20 September 2018 met . provinsiale opleidingsprogram regoor die provinsie begin om te verseker dat alle prinsipale/sentrumbestuurders, hoofopsieners en senior opsieners van alle eksamensentrums gepaste opleiding ontvang, veral met die implementering van nuwe eksamenprosedures wat aangeneem is om die sekuriteit en integriteit van die ekamenstelsel te verbeter.

3. Vir die 2018 NSS-eksamen is dit verpligtend dat die volgende, wat by die afneem, administrasie en bestuur van die NSS-, SS- en OOV Vlak 4-eksamen betrokke is, hierdie opleidingsessie bywoon:

  • Prinsipaal/sentrumbestuurder (hoofopsiener)
  • Twee skoolbestuurspan (SBS)-lede
  • Senior opsiener
  • Distriksamptenare wat in 2018/19 by die afneem, administrasie en bestuur van die NSS-, SS- en OOV Vlak 4-eksamen betrokke is.
4. Die Smartlock-sekuriteitstelsel wat sedert 2016 in sommige distrikte in gebruik geneem is, sal vanaf vanjaar in al agt distrikte in die Wes-Kaap geimplimenteer word. Die spesifieke opleidingsessies vir die Smartlock-sekuriteitstelsel sal by die provinsiale opleidingsprogram geinkorporeer word. Bywoning deur alle vereiste afgevaardigdes is noodsaaklik.

5. Prinsipale/sentrumbestuurders en hul senior bestuurspanne (SBS'e) sal van opleidingsmateriaal voorsien word en moet die opleiding en inligting wat gedurende die provinsiale opleidingsessies gedeel is aan ander opsieners oordra.

6. Die instelling van nuwe prosedures vir die verspreiding van die NSS-vraestelle en die bestuur van die antwoordboeke maak die opleiding vir alle partye noodsaaklik om . foutlose oorgang na die nuwe Smartlock-sekuriteitstelsel te verseker.

7. Hoewel opleiding vanaf 2014 tot 2017 verpligtend was, is 'n paar administratiewe en gedragsoortredings en dade van oneerlikheid in die 2017 NSS-eksamen geidentifiseer en gerapporteer. Dit toon duidelik die noodsaaklikheid van die opleiding van opsieners en prinsipale vir die 2018 NSS-eksamen, die 2019 Junie/Julie eksamen en die OOV Vlak 4-eksamen in November 2018 en Junie 2019.

8. Die skedule wat die opleidingsdatums, tye en lokale per kring en distrik weergee, is as Bylae A aangeheg. Die distriksamptenaar(-amptenare), soos aangedui op die opleidingskedule, sal die logistieke reelings vir die opleiding koordineer.

9. Bring asseblief die inhoud van hierdie minuut onder die aandag van alle betrokkenes.

10. U begrip en samewerking word waardeer.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:25

"Bylae A"  (grootte: 70 KB)