1. Vanjaar sal die Wes-Kaap Onderwysdepartement (WKOD) weer die prestasies van ons leerders in die veld van Visuele Kunste vier met die tweede WKOD Visuele Kunsteuitstalling wat in elk van die agt onderwysdistrikte gehou word. Die viering sal 'n hoogtepunt bereik met die provinsiale uitstalling wat op 15 September 2018 by die PJ Olivier Kunssentrum in Stellenbosch plaasvind.

2. Alle graad R- tot 9-leerders van alle WKOD-skole word genooi om aan hierdie geleentheid deel te neem.

3. Die doel van die kunsviering is die bevordering van leerders se kreatiwiteit en vermoe om een van die voorgestelde temas in 'n visuele kunswerk te interpreteer.

4. Aangesien Visuele Kunste deel van die Skeppende Kunste Kurrikulum- en Assesseringsbeleidsverklaring (KABV) uitmaak, mag onderwysers tweedimensionele (2D) of driedimensionele (3D) kunswerke, wat vir hierdie viering ingedien word, as 'n Formele Assesseringstaak (FAT) gebruik.

5. Werksessies sal in al agt distrikte aangebied word, met die doel om onderwysers met die voorbereiding en uitvoering van die uitstalling te ondersteun.

6. Let asseblief op die volgende riglyne vir deelname:

  • Die kompetisies is oop vir alle leerders in die AOO-band 'n van graad R tot 9, insluitend leerders in spesialebehoefteskole.
  • Leerders mag 2D of 3D kunswerke inskryf.
  • Leerders mag enige nat en/of droe medium kies, insluitend, maar nie beperk nie, tot potlode, penne, waterkleure, temperas, akriel, vetkryte, pastelle of ink, materiaal wat opgetel is, klei, hout, papier, ens.
  • Elke leerder mag net een inskrywing instuur.
  • Alle inskrywings moet deur 'n individuele leerder gedoen word. Groepinskrywings word nie toegelaat nie.
  • Alle kunswerke moet oorspronklike werk deur die leerder wees en mag nie enige kopiereg oortree nie, byvoorbeeld die teken van 'n karakter van 'n "clip art"-prentjie of strokiesprent, insluitend Manga, word nie as oorspronklike werk beskou nie.
  • Digitaal geskepte werk sal nie aanvaar word nie.
  • Die grootte van die 2D inskrywing moenie kleiner as 'n A5-bladsy of groter as 'n A2-bladsy wees nie.
  • Die 3D kunswerk moet 'n grootte wees wat in 'n motor vervoer kan word.
  • Leerders moet ook 'n nota oor hul kunswerk skryf waarin hulle beskryf hoe hulle die geselekteerde tema geinterpreteer het.
  • Hierdie skriftelike nota wat die kunswerk meegaan, kan in die vorm van 'n paragraaf, storie, gedig of aparte woorde, ens. wees en kan van een woord tot hoogstens 100 woorde strek.
  • Elke kunswerk moet op wit monteerbord of wit karton gemonteer word.
  • Die leerder se naam, van, graad en skool moet getik wees (lettertipe: Arial, lettergrootte: 11) en met 'n deursigtige gomstokkie agterop die kunswerk geplak word (moenie kram nie).
7. Onderwysers word versoek om die Skeppende Kunste-vakadviseur by hul distrikskantoor vir verdere inligting rakende die distriksuitstallings te kontak.

Skeppende Kunste-vakadviseurs se kontakbesonderhede word hieronder gelys:

Distrik Vakadviseur/ AOO-koördineerder Telefoon nommer E-posadres
Eden en Sentrale Karoo Phillip Jaftha 044 279 1681 Phillip.Jaftha@westerncape.gov.za
Kaapse Wynland Cantél Ross 023 348 4618 Cantel.Ross@westerncape.gov.za
Metro-Noord Malefo Makena 021 938 3104 Malefo.Makena@westerncape.gov.za
Metro-Oos Michelle Petersen 021 900 7048 Michelle.Petersen@westerncape.gov.za
Metro-Sentraal Betsie Strydom 021 514 6762 Betsie.Strydom@westerncape.gov.za
Metro-Suid Natasha Esbach 021 370 2045 Natasha.Esbach@westerncape.gov.za
Overberg Margie Clarke 028 214 7372 Margie.Clarke@westerncape.gov.za
Weskus Deon Burger 021 860 1200 Deon.Burger2@westerncape.gov.za

8. Die aangehegte Bylae A sal verdere inligting oor die volgende verskaf:

  • Temas per fase
  • Vereiste inskrywingsvorms en verklaring van egtheid
  • Drie vlakke van uitstalling met nuttige elektroniese skakels om die proses van kunsuitstallings by skole te ondersteun
  • Uitstallingsdatums per distrik
  • Assesseringsrubriek
9. Ons wil graag alle skole aanmoedig om van hierdie geleentheid gebruik te maak om aan hierdie opwindende projek deel te neem.

10. Bring asseblief die inhoud van hierdie minuut onder die aandag van die betrokke onderwysers.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:04:16

Bylae A  (grootte: 178 KB)