| 1. |
Die AstroQuiz is 'n wetenskapkompetisie vir graad 7-leerders wat op astronomieverwante temas gebaseer is en sluit aan by die "Aarde en die Ruimte" -afdeling in die Natuurwetenskappe-sillabus. |
| 2. |
Die AstroQuiz is 'n projek wat deur die South African Agency for Science and Technology Advancement (SAASTA) befonds word provinsiaal deur die Suid-Afrikaanse Astronomiese Observatorium (SAAO) bestuur word. Hierdie projek het ten doel om:
- belangstelling in wetenskap in primere skole te bevorder;
- klaskamerpraktyk te verbeter;
- bewustheid en insig in basiese astronomie, wetenskap en wiskunde te skep; en
- 'n belangstelling in loopbaangeleenthede in astronomie en ander wetenskappe aan te moedig.
|
| 3. |
Sedert 2006, is die AstroQuiz met groot sukses in die provinsie geimplementeer en belangstelling in hierdie kompetisie het merkwaardig toegeneem. Hierdie kompetisie word slegs in Engels op provinsiale en nasionale vlakke afgelê. |
| 4. |
Die Wes-Kaap se AstroQuiz-kompetisie is sedert 2015 'n aanlyn kompetisie. Leerders mag hul selfone gebruik om deel te neem. |
| 5. |
Om vir die AstroQuiz in te skryf, moet skole spanne van vier graad 7-leerders identifiseer om die skool te verteenwoordig. |
| 6. |
Die eerste twee rondtes van die provinsiale AstroQuiz sal op skoolvlak onder toesig van die verantwoordelike onderwysers plaasvind. Skole word aangemoedig om soveel spanne as moontlik in te skryf. |
| 7. |
Daar sal 'n oefenrondte vir leerders wees om die vasvra aanlyn te oefen. Skole ding mee om 'n stel van 30 vrae in elke rondte te beantwoord. Alle skole sal dieselfde vrae beantwoord. Die spanne kry 'n vasgestelde tyd van 60 sekondes per vraag. Slegs een span per skool mag aan die tweede rondte deelneem. Leerder wat aan hierdie rondte deelneem, word nie toegelaat om enige hulpbronmatreriaal by die vasvralokaal in te nee nie. |
| 8. |
Provinsiale rondtes 3 en 4 sal op dieselfde dag by die SAAO in Observatory, Kaapstad plaasvind. SAAO het die verantwoordelikheid aanvaar om spanne na die provinsiale rondtes 3 en 4, asook die finale byeenkoms te vervoer. |
| 9. |
Die datums vir die AstroQuiz vir 2018 is soos volg:
| RONDTE |
DATUM |
LOKAAL |
| 1 |
26 April 2018 |
Skoolvlak |
| 2 |
24 Mei 2018 |
Skoolvlak |
| 3 & 4 |
27 Julie 2018 |
SAAO in Observatory, Kaapstad |
| Nasionale Finale |
01 tot 03 Oktober 2018 |
Gauteng |
|
| 10. |
Die hulpbronpakket vir die AstroQuiz en 'n voorbeeldvraestel kan by die SAAO AstroQuiz-webwerf afgelaai word by http://astroquiz.saao.ac.za. Indien 'n skool 'n drukstuk van die AstroQuiz-boekie benodig, kan hulle dit aanvra deur 'n e-pos met die skool se naam en posadres aan help@astroquiz.saao.ac.za te stuur. |
| 11. |
Die Wes-Kaap Onderwysdepartement (WKOD) raai alle skole aan om die AstroQuiz-hulpbronpakket en die voorbeeldvraestel te gebruik, sodat leerders kan oefen hoe om die vasvrae te skryf. Die moet 'n oopboek-aktiwiteit vir groepe van vier leerders elk wees, met elke groep wat as 'n span saamwerk. |
| 12. |
Skole wat belangstel om aan die vasvrae deel te neem, moet direk by die SAAO via die AstroQuiz-webwerf registreer. Toegang tot die webwerf kan verkry word by http://astroquiz.saao.ac.za. Registrasie open vanaf Maart 2018. |
| 13. |
Alle kommunikasie vanaf SAAO sal per 'n e-pos en/of SMS geskied. Onderwysers kan hul voorkeurkommunikasiemetode kies wanneer hulle registreer. Om op hoogte van die vasvrae te bly, is onderwysers ook welkom om by die AstroQuiz-poslys aan te sluit by http://astroquiz.saao.ac.za/join-the-mailing-list/. |
| 14. |
Die WKOD moedig alle skole met graad 7-leerders aan om aan die AstroQuiz vir 2018 deel te neem. |
| 15. |
Kontak asseblief die SAAO of besoek hul webwerf indien u enige verdere vrae of meer duidelikheid oor die kompetisie verlang:
|
| 16. |
Prinsipale word versoek om hierdie minuut onder die aandag van alle Natuurwetenskaponderwysers vir graad 7 te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:04:04
|
 |