1. Die nasionale Natuurwetenskappe Olimpiade is 'n projek wat deur die Suid-Afrikaanse Agentskap vir die Bevordering van Wetenskap en Tegnologie (SAASTA) geborg word. Die olimpiade het ten doel om:

  • 'n belangstelling in wetenskap onder leerders te kweek en hulle aan te moedig om wetenskap in die Verdere Onderwys en Opleiding (VOO)-fase te studeer;
  • die top Natuurwetenskappe-leerders nasionaal te identifiseer;
  • Natuurwetenskappe-onderwysers te ondersteun en hul klaskamerpraktyk te verbeter; en
  • talent onder Natuurwetenskappe-leerders te identifiseer.
2. Die Olimpiade is 'n stimulerende aktiwiteit wat van deelnemers verwag om kritiese denke, probleemoplossingsvaardighede, vernuwing en kreatiwiteit te toon. Dit ondersteun die Wes-Kaap Onderwysdepartement (WKOD) se strategie vir Wiskunde en Fisiese Wetenskappe. Die toppresteerders in die Olimpiade kan groot pryse wen.

3. Die Olimpiade is 'n veelkeuse-eksamen wat slegs in Engels aangebied word. Dit is in twee kategoriee verdeel: Intermediere Fase en Senior Fase. Die olimpiade sal van 09:00 tot 12:00 op Dinsdag 08 Mei 2018 geskryf word. Die sluitingsdatum vir registrasie in die Wes-Kaap is Maandag 05 Maart 2018.

4. Die WKOD nooi weer alle skole om aan die 2018-Olimpiade deel te neem. Skole moet die aangehegte registrasievorms (Bylae A en Bylae B) voltooi en onderteken en dit aan die SAASTA faks deur die faksnommer op die inskrywingsvorm te gebruik. Skole moet seker maak dat die betalingsbewys saam met die registervorm gefaks word. Alle voltooide registrasievorms moet die SAASTA teen nie later nie as 14H00 Maandag 05 Maart 2018 bereik.

5. Die deelnamegeld vir die Olimpiade beloop R10,00 per leerder. Die gelde moet direk in die SAASTA se bankrekening gedeponeer word. Die bankbesonderhede word op die inskrywingsvorm verskaf. Daar is geen beperking op die getal leerders wat ingeskryf mag word nie.

6. Die WKOD sal die inskrywings van leerders van geenskoolgeldskole en Wiskunde-, Wetenskap- en Tegnologie- (WWT)-fokusskole betaal. Al hierdie skole moet hulle leerderinskrywings teen nie later nie as 15:00 Maandag 05 Maart 2018 direk aan Me. Suanne Rampou stuur.

7. Hulle kan dit e-pos aan Suanne.Rampou@westerncape.gov.za of dit faks na 086 205 1450.

8. Skole word versoek om die integriteit van die Olimpiade, deur noulettende toesig, te handhaaf. Enige onreelmatigheid sal 'n skool outomaties van die Olimpiade diskwalifiseer.

9. Onderwysers en leerders word uitgenooi om die SAASTA-webwerf te besoek by http://www.saasta.ac.za/competitions/natural-science-olympiad/ om sodoende ingelig te bly rakende die Natuurwetenskap Olimpiade en ook om vorige olimpiade- vraestelle- en memoranda af te laai.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:02:14

Bylae A & B: "2018 Natural Science Olympiad Entry form"  (grootte: 277 KB)