1. Die Wes-Kaap Onderwysdepartement (WKOD) het 'n diagnostiese assesseringsinstrument vir Tale, Wiskunde en Natuurwetenskappe vir graad 8 in 2016 ontwikkel.

2. Ons kondig met trots aan dat hierdie diagnostiese instrument nou gedigitaliseer is om die administratiewe lading te verlig.

3. Die doel van hierdie kennisgewing is om skole in te lig dat hulle moet voorberei om die aanlyn diagnostiese assessering vanaf 28 Januarie tot 08 Februarie 2019 af te lê. Indien 'n skool die tydperk wil verleng, word die prinsipaal versoek om die Hoof: Kurrikulumondersteuning van die betrokke distrik hieroor te raadpleeg.

4. Daar is geen tydsbeperkinge verbonde aan die voltooiing van die assessering nie, aangesien dit belangrik is om 'n oorsiganalise per leerder te kry, maar, daar word aanbeveel dat prinsipale die proses beheer deur 'n riglyn van 50 punte per uur te gebruik.

5. Die uitslag van die per vraag-ontleding bied 'n analise van elke leerder se vlak en vaardigheid in Wiskunde, Tale en Natuurwetenskappe wanneer hulle tot graad 8 toetree.

6. Die doel van hierdie instrument is om:

  • die hoeveelheid leerders wat Wiskunde en Fisiese Wetenskappe in die VOO-band neem, te vermeerder;
  • onderwysers te help om hulle leerders se vermoëns te leer ken en om gedifferensieerde onderrig te gebruik wat leer sal versterk tot voordeel van elke leerder; en
  • die moontlike gapings vir leerders in graad 8 en 9 te dek, en verdere verryking te voorsien aan daardie leerders wat op 'n hoër vlak presteer.
7. 'n Aangewese diensverskaffer het oriëntering vanaf 12.26 November 2018 in elke distrik aangebied. Oriënteringsessies het gefokus op hoe om hierdie aanlyn toetse te administreer en uit te voer. Die voorgestelde tydsraamwerk word in Bylae A aangedui.

8. Die diensverskaffer sal ook aanlyn hulp verleen gedurende die weke wat hierdie toetse afgelê word.

9. Vir verdere ondersteuning ter implementering het ons 'n lys van algemene vra en moontlike antwoorde ingesluit. Sien Bylae B.

10. Die WKOD is bewus daarvan dat baie skole die insigte wat hierdie assessering hulle gebied het, nuttig gevind het. Dit help om gedifferensieerde ondersteuning aan leerders te verskaf sodat hulle die moontlike gapings wat hulle in die verwante vakke mag ondervind, kan hanteer. Skole word geloof vir hulle ywer om so veel as moontlik voordeel uit die assessering te trek.

11. Skole wat IT-probleme in Januarie ondervind en skole wat besluit om die toetse op papier te doen, kan dit van http://resources.wcedgrade8diagnostic.co.za aflaai. Hierdie webwerf sal ook 'n instruksie-video oor hoe om die toets uit te voer, bied. Skole word aangemoedig om enige tegniese probleme aan die IT-Helpdesk te rapporteer voordat hulle op 14 Desember 2018 sluit.

12. Prinsipale word versoek om te verseker dat die inligting in hierdie minuut vervat aan alle Wiskunde-, Tale- en Natuurwetenskappe-onderwysers oorgedra word.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:12:10

Bylae A  (grootte: 52 KB)
Bylae B  (grootte: 61 KB)