1. Die Wes-Kaap Onderwysdepartement (WKOD) het dit 'n prioriteit gemaak om opleiding in Seksualiteitsopvoeding aan alle Lewensorienteringonderwysers in die Senior Fase te voorsien.

2. Opleiding sal plaasvind oor 'n tweedagtyperk by 'n hotel in Kaapstad, wat nog bevestig sal word.

3. Hierdie minuut het ten doel om alle Lewensorienteringonderwysers in die Senior Fase in te lig dat die bogenoemde opleiding soos volg sal plaasvind:

Vrydag tot Saterdag,
18 - 19 Januarie 2019
Opleidingstye:

  • Vrydag: Registrasie om 13:00
  • Vrydag: 13:30 - 20:00 en Saterdag: 08:30 -16:00
4. Registrasie

Onderwysers word versoek om voor of op Donderdag, 10 Januarie 2019 aanlyn te registreer deur die volgende skakel te gebruik: https://goo.gl/forms/96rSX0ro8FtChNnk1 of deur die QR-kode hieronder te skandeer. Dit is noodsaaklik dat skole die korrekte registrasie-inligting verskaf sodat enige logistieke probleme by die opleiding vermy kan word.


5. Reis
5.1 'n Reistoelae sal toegestaan word, onderhewig aan die volgende voorwaardes:

  • Bywoning van die volle opleidingskursus moet bevestig word.
  • Die totale afstand wat vir die tweedagtyperk gereis word, moet 120 km oorskry.
  • Die totale afstand wat vir die tweedagtydperk geëis word, mag nie 800 km oorskry nie.
5.2 Reistoelae sal volgens die volgende kriteria beoordeel word:

Gebruik van eie voertuig Onderwysers moet so ver as moontlik vervoer deel.
Slegs die bestuurder of eienaar van die voertuig mag eis vir die kilometerafstand wat gereis is. Passasiers moet gelys word.
'n Standaardtarief van R3,00 per kilometer sal betaal word. Enjinkapasiteit sal nie van toepassing wees nie.
Die gebruik van 'n saamryklub (betaal of gratis) in 'n privaat voertuig Slegs die bestuurder of eienaar van die voertuig mag eis vir die kilometerafstand wat gereis is. Passasiers moet gelys word.
'n Standaardtarief van R3,00 per kilometer sal betaal word. Enjinkapasiteit sal nie van toepassing wees nie.
Die gebruik van die skoolbus Die skool moet 'n brief indien wat aandui dat die skoolbus vir hierdie kursus gebruik is, asook die name van die passasiers en die afstand wat gereis is.
'n Standaardtarief van R3,00 per kilometer sal betaal word.
Enjinkapasiteit sal nie van toepassing wees nie.
Die gebruik van 'n geregistreerde diensverskaffer

LET WEL: Voorafgeskrewe goedkeuring moet van die AOO-koördineerder verkry word.

Stap 1) Voor die opleiding moet die skool drie kwotasies bekom.
Stap 2) Die skool moet hierdie kwotasies by die AOO-koördineerder indien. Die goedkoopste kwotasie sal aanvaar word.
Stap 3) Die AOO-koördineerder moet skriftelike bevestiging aan die prinsipaal voorsien dat die diens gekontrakteer kan word.
Stap 4) Die skool moet vir die huur van die diens reël.
Stap 5) Na die diens, moet die skool die diensverskaffer betaal en 'n kwitansie verkry.
Stap 6) Vir vergoeding, moet die skool 'n brief by die bestuurder van distrikseise indien waarin aangedui word dat die diensverskaffer gebruik is, en die name van die passasiers en die besonderhede van die afstand wat gereis is, lys. Kwotasies, die goedkeuring vanaf die AOO-koördineerder en die finale betaalde faktuur moet aangeheg word.

Alle papierwerk moet as bewys vir die interne ouditeur gehou word.
Die WKOD sal slegs die skool by ontvangs van die ondertekende dokumentasie, insluitende die voorafgeskrewe goedkeuring van die AOO-distrikskoördineerder, vergoed.
Onderwysers moet reel dat die groep op 'n sentrale punt opgelaai word.

Gebruik van openbare vervoer bv. 'n openbare voertuig (taxi), bus, trein vir kortafstand-reis Eise moet die begin- en eindpunt van elke stadium van die reis aandui.
Vergoeding sal volgens standaardtariewe gemaak word.
Bewys (kaartjies) kan deur die eise-amptenaar aangevra word sodat die eis geldig verklaar kan word.
Geen eise vir huurvoertuie met metertariewe mag ingedien word nie.

6. Verblyf en maaltye
6.1 Die WKOD sal slegs verblyf en maaltye aan onderwysers uit landelike distrikte by die Kaapse Onderwys- en Leierskapinstituut voorsien, onderhewig aan die volgende voorwaardes:

  • Die afstand na die opleidingslokaal moet 60 km oorskry.
  • Bywoning van die volle opleidingskursus moet bevestig word.
  • Registrasie moet vooraf voltooi word.
6.2 Verblyf sal vanaf die eerste dag tot die laaste dag van die opleidingskursus voorsien word, met die opsie van aankoms tussen 14:00 en 17:00 op die dag wanneer die kursus begin.

7. Hoe om te eis
7.1 Alle onderwysers wat 'n eis wil indien, moet die aangehegte bankbesonderhedevorm voltooi en dit op die eerste dag by die eisetoonbank by die opleidingslokaal indien. Die bankbesonderhedevorm moet deur die bank gestempel word en slegs 'n oorspronklike vorm mag ingedien word. Geen fakse of fotokopiee sal aanvaar word nie. Onderwysers moet hierdie vorm voltooi voordat die opleiding begin (m.a.w. opdaag by die lokaal met hierdie vorm wat klaar ingevul is).
7.2 Alle eise moet deur die oorspronklike dokumentasie ondersteun word. Geen fakse of fotokopieë sal aanvaar word nie.
7.3 Eisers sal slegs vergoed word ná die voltooiing van die opleidingskursus en sal dus vooraf hul onkoste moet betaal. Waar nodig, word skole vriendelik versoek om hul onderwysers in hierdie opsig by te staan. Bewys van betaling moet bewaar word.
7.4 Vergoeding sal slegs ná deeglike ondersoek van die eis gemaak word, en die WKOD behou die reg om die finale besluit te neem waar daar enige teenstrydigheid of nienakoming voorkom.
7.5 Alle eise moet ingedien word by die opleidingslokaal, waar amptenare byderhand sal wees om eisers te help.
7.6 Geen laat of onvoltooide eise sal aanvaar word nie, tensy daar buitengewone versagtende omstandighede is, en terugbetaling kan nie gewaarborg word nie.

8. Navrae
8.1 Indien u enige verdere navrae het, moet asseblief nie huiwer om Ismail Teladia by tel. 021 467 2199 of e-pos: Ismail.Teladia@westerncape.gov.za te kontak nie.

9. Prinsipale word vriendelik versoek om die inhoud van hierdie minuut onder die aandag van alle Lewensoriënteringonderwysers in die Senior Fase te bring.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:12:11

Eis ten opsigte van reise met privaatvervoer op amptelike diens  (grootte: 55 KB)