| 1. |
Die Wes-Kaap Onderwysdepartement het die Oorgang van graad 9 tot graad 10: Wenke vir Sukses-boekies vir elk van die Wes-Kaap se graad 9-leerders saamgestel om hulle met hul vakkeuses vir graad 10 te help. Die boekie bevat studiewenke, eksamenwenke, wenke vir sukses, wenke vir doelwitte en ander nuttige inligtingstukke. |
| 2. |
Distriksamptenare sal die boekies by alle gewone openbare skole met graad 9-leerders aflewer. |
| 3. |
Die boekie moet by ontvangs aan elke graad 9-leerder oorhandig word. |
| 4. |
Kontak asseblief u distrikskantoor indien die getal boekies wat by die skool afgelewer word nie korrek is nie. Oortollige boekies moet aan die distrikskantoor terugbesorg word. |
| 5. |
Ten einde die doeltreffendheid van die hierdie boekies te verseker om leerders met hul vakkeuses en eksamenvoorbereiding te help, word dit sterk aanbeveel dat onderwysers die inhoud van die boekie met hul graad 9-klasse bespreek en leerders aanmoedig om dit te lees en te gebruik. |
| 6. |
Prinsipale word vriendelik versoek om die inhoud van hierdie minuut onder die aandag van alle personeellede te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:12:10
|
 |