| 1. |
'n Beroepsbewustheidsweek word vir 15 tot 19 Oktober 2018 beplan om leerders die geleentheid te gee om ingeligte besluite oor hulle toekomstige beroepe te neem. Dit bied Lewensorientering-onderwysers die geleentheid om die werkswereldafdeling van hulle kurrikulum te voltooi. |
| 2. |
Die teikengroep is senior fase-leerders. Die doel van die Beroepsbewustheidsweek is om graad 7- tot 9-leerders bewus te maak van hoe belangrik dit is om die regte vakke in graad 10 te kies. Gedurende hierdie week word skole aangemoedig om op aktiwiteite wat leerders leiding sal gee, te fokus sodat hulle ingeligte besluite oor hulle toekomstige beroepe kan neem. Dit moet 'n bespreking oor doelwitstelling insluit. |
| 3. |
Alle skole sal die beroepsvoorligtingboekies, wat 'n beroepsnavorsingsaktiwiteit insluit, ontvang. Lewensorientering-onderwysers word versoek om die beroepsnavorsingsaktiwiteit met die graad 7- tot 9-leerders uit te voer en met behulp van hierdie boekies saam met hulle ouers te beraadslaag. |
| 4. |
Lewensoriering-onderwysers word aangemoedig om aktiwiteite, wat sal fokus op die werkswereld, vir hierdie week te beplan. In sommige gevalle, waar werk oor die werkswereld in die loop van die jaar aan leerders gegee is, kan dit hierdie week hoogty vier. |
| 5. |
Graad 7
Graad 7-leerders sou op 'n weeklange projek kon fokus, insluitende die voltooiing van 'n beroepsnavorsingsaktiwiteit wat uitloop op 'n aktiwiteit waar leerders aantrek om 'n beroep voor te stel. Hierdie betrokkenheid by hulle toekomstige beroepe beteken dat leerders skool toe kom in klere wat hul toekomstige beroepe verteenwoordig. Die navorsingsaktiwiteit moet gedurende Lewensorientering-periodes plaasvind. Kyk Bylae A vir verdere idees. |
| 6. |
Graad 8
Graad 8-leerders behoort op beroepsaktiwiteite te fokus, insluitende die voltooiing van die beroepsnavorsingsaktiwiteit. Dit sal hulle in staat stel om hul eie sterkpunte, talente, beperkings en vermoens in spesifieke vakke te herken. Kyk Bylae A vir verdere idees. |
| 7. |
Graad 9
Graad 9-leerders moet versoek word om aan 'n beroepsvoorligtingsoefening deel te neem, insluitende die voltooiing van die beroepsnavorsingsaktiwiteit in die boekie. Die navorsingsaktiwiteit is deel van die proses om graad 9-leerders voor te berei om die regte vakke vir graad 10 te kies. Kyk Bylae A vir verdere idees.
Die beroepsnavorsingsaktiwiteit is deur die PACE-beroepsentrum ontwerp om die beroepsvolwassenheid van leerders te versnel. Vorige jare se uitslae van hierdie selfverkenningsberoepsoefening wat verkry is, het 'n aansienlike toename in die beroepsvolwassenheidsvlakke van deelnemers aangedui. Die voltooiing van hierdie aktiwiteit sal leerders se begrip van hulle vakkeuses en moontlike toekomstige beroepe verbeter. |
| 8. |
Vir meer inligting oor die Beroepsbewustheidsweek, kontak asseblief vir mnr. I Teladia, Senior Kurrikulumbeplanner: Lewensorientering AOO, by e-posadres Ismail.Teladia@westerncape.gov.za of by telefoonnommer 021 467 2199.
|
| 9. |
Prinsipale word versoek om die inhoud van hierdie minuut onder die aandag van alle betrokke personeel te bring. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:09:13
|
 |