1. |
Die Departement van Basiese Onderwys (DBO) het in 2015 'n vroeëgraadleesassessering (Early Grade Reading Assessment) (EGRA) bekendgestel om lees en begrip in die Grondslagfase (GF) te versterk. Hierdie assessering word deur die klasonderwyser afgeneem en het 'n diagnostiese doel. Dit word nie vir die vordering en bevordering van leerders gebruik nie. |
2. |
Die Wes-Kaap Onderwysdepartement (WKOD) het die EGRA-program in 2015 by 96 skole (Fase 1) in werking gestel. Die program is in 2016 na 'n verdere 103 skole (Fase 2) uitgebrei en in 2017 na alle skole wat minder as 60% in die 2016 graad 3 sistemiese assessering vir Taal (Fase 3) behaal het. |
3. |
Hierdie minuut dien om skole wat nog nie opleiding in EGRA ontvang het nie, in kennis te stel dat hulle in die Fase 4-program ingesluit sal word. |
4. |
EGRA-opleiding vir Fase 4-skole sal gedurende Oktober 2018 plaasvind. |
5. |
Die opleiding duur drie uur. Die Grondslag Fase-departementshoof en ten minste een Grondslag Fase-onderwyser moet die hele opleidingsessie bywoon. Distrikte kan egter besluit om meer onderwysers daarby te betrek. |
6. |
Die logistieke reëlings van die opleiding, wat datums, tye en opleidingslokale insluit, sal deur die distriks amptenare aan alle skole verskaf word. |
7. |
Vir enige verdere inligting, kontak asseblief die betrokke Grondslag Fase-koördineerder:
|
8. |
Prinsipale word versoek om alle Grondslag Fase-onderwysers in te lig oor die inhoud van hierdie minuut. |
GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:09:13
|
|