1. Die Wes-Kaap Onderwysdepartement (WKOD) het dit 'n prioriteit gemaak om opleiding aan alle Lewensorienteringonderwysers vir graad 7 ten opsigte van Loopbaanbeplanning te voorsien.

2. Opleiding sal oor 'n tweedagtydperk by die Kaapse Onderrig- en Leierskapinstituut (KOLI) plaasvind.

3. Die doel van hierdie minuut is om alle Lewensorienteringonderwysers vir graad 7 in te lig dat die bogenoemde opleiding soos volg sal plaasvind:

Dinsdag, 26 Junie tot Woensdag,
27 Junie 2018		 Opleidingstye:

  • Dinsdag: Registrasie om 08:00
  • Dinsdag en Woensdag: 08:30-16:00
4. Registrasie

Onderwysers word versoek om voor of op Woensdag, 20 Junie 2018 aanlyn te registreer op https://goo.gl/forms/d1li9Ba24oCTlzVg1 of deur die QR-kode hieronder te skandeer. Dit is noodsaaklik dat skole akkurate registrasie-inligting verskaf sodat enige logistieke probleme by die opleiding vermy kan word.

5. Reis
5.1 'n Reistoelae sal toegestaan word, onderhewig aan die volgende voorwaardes:

  • Bywoning van die volle opleidingskursus moet bevestig word.
  • Die totale afstand wat vir die tweedagtydperk gereis word, moet 120 km oorskry.
  • Die totale afstand wat vir die tweedagtydperk gereis word, mag nie 800 km oorskry nie.
5.2 Die eise ten opsigte van reis sal volgens die volgende kriteria geassesseer word:

Gebruik van eie motor Onderwysers moet so ver as moontlik vervoer deel.
Slegs die bestuurder of eienaar van die motor mag eis vir die kilometers wat afgelê is. Passasiers moet gelys word.
'n Standaardtarief van R3,00 per kilometer sal betaal word. Enjinkapasiteit sal nie van toepassing wees nie.
Die gebruik van 'n saamryklub (betaal of gratis) in 'n private motor Slegs die bestuurder of die eienaar van die motor mag eis vir die kilometers wat afgelê is. Passasiers moet gelys word.
'n Standaardtarief van R3,00 per kilometer sal betaal word. Enjinkapasiteit sal nie van toepassing wees nie.
Die gebruik van die skoolbus Die skool moet 'n brief indien wat aandui dat die skoolbus vir hierdie kursus gebruik is. Die name van die passasiers asook die afstand wat afgelê is, moet ook daarin aangedui word.
'n Standaardtarief van R3,00 per kilometer sal betaal word. Enjinkapasiteit sal nie van toepassing wees nie.
Die gebruik van 'n geregistreerde diensverskaffer

LW: skriftelike voorafgoedkeuring moet van die AOO-distrikskoordineerder verkry word.
Stap 1) Die skool moet drie kwotasies voor die opleiding verkry.
Stap 2) Die skool moet hierdie kwotasies by die AOO-koördineerder indien. Die laagste kwotasie sal aanvaar word.
Stap 3) Die AOO-koördineerder moet skriftelike bevestiging aan die prinsipaal voorsien dat die diens wel gekontrakteer kan word.
Stap 4) Die skool moet vir die huur van die diens reël.
Stap 5) Na die gebruik van die diens, moet die skool die diensverskaffer betaal en 'n kwitansie kry.
Stap 6) Vir vergoeding moet die skool 'n brief indien by die distrikseisebestuurder waarin aangedui word dat die diensverskaffer gebruik is, asook die name van die passasiers en die besonderhede van die afstand wat afgelê is. Die kwotasies, die goedkeuring van die AOO-koordineerder en die finale betaalde faktuur moet aangeheg word.

Alle papierwerk moet as bewys vir die interne ouditeur gehou word. Die WKOD sal slegs die skool vergoed sodra die ondertekende dokumentasie, insluitende die skriftelike voorafgoedkeuring van die AOO-distrikskoordineerder, ontvang word.
Onderwysers moet 'n sentrale oplaaipunt reel waar almal as 'n groep opgelaai kan word.
Die gebruik van openbare vervoer, d.w.s. 'n openbare huurmotor, bus of trein vir kort reisafstande. Eise moet die begin- en eindpunt van elke fase van die reis aandui.
Vergoeding sal volgens standaardtariewe gemaak word.
Bewyse (kaartjies) mag deur die eise-amptenaar versoek word om die eis geldig te verklaar.
Geen eise vir huurmotors met metertariewe mag ingedien word nie.

6. Verblyf en maaltye
6.1 Die WKOD sal slegs verblyf en maaltye vir onderwysers van landelike distrikte by KOLI voorsien, onderhewig aan die volgende voorwaardes:

  • Die afstand wat afgelê word om die opleidingslokaal te bereik, moet 60 km oorskry.
  • Bywoning van die volle opleidingskursus moet bevestig word.
  • Registrasie moet vooraf voltooi word.
6.2 Verblyf sal vanaf die eerste tot die laaste dag van die opleidingskursus voorsien word met die opsie om in te teken om 14:00 en 17:00 op die dag voor die werksessie begin.

7. Hoe om te eis
7.1 Alle onderwysers wat 'n eis wil indien, moet die aangehegte bankbesonderhedevorm invul en dit op die eerste dag by die opleidingslokaal by die eisekantoor indien. Die bankbesonderhedevorm moet deur die bank gestempel word en slegs 'n oorspronklike vorm mag ingedien word. Geen fakse of fotokopiee sal aanvaar word nie. Onderwysers moet hierdie vorm voltooi voordat die opleiding begin (m.a.w. die vorm moet reeds voltooi wees wanneer u by die lokaal aankom).
7.2 Alle eise moet deur oorspronklike dokumentasie ondersteun word. Geen fakse of fotokopiee sal aanvaar word nie.
7.3 Eisers sal slegs na die voltooiing van die opleidingskursus vergoed word en sal dus vooraf hul eie onkoste moet dra. Waar nodig, word skole vriendelik versoek om hul onderwysers in hierdie verband by te staan. Betalingsbewyse moet bewaar word.
7.4 Vergoeding sal slegs na deeglike ondersoek van eise gemaak word. Die WKOD behou die reg om die finale besluit te neem waar 'n teenstrydigheid of nienakoming voorkom.
7.5 Alle eise moet ingedien word by die opleidingslokaal, waar amptenare gereed sal staan om met die eise te help.
7.6 Tensy daar buitengewone versagtende omstandighede is, sal geen laat of onvoltooide eise aanvaar word nie en vergoeding kan nie gewaarborg word nie.

8. Navrae

Indien u enige verdere navrae het, moet asseblief nie huiwer om met Ismail Teladia by tel. 021 467 2199 of e-pos Ismail.Teladia@westerncape.gov.za in verbinding te tree nie.

9. Prinsipale word vriendelik versoek om die inhoud van hierdie minuut onder die aandag van alle Lewensorienteringonderwysers vir graad 7 te bring.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:06:07

"BAS entity maintenance"  (grootte: 22 KB)