1. Die Departement van Basiese Onderwys (DBO), nooi hiermee alle skole uit om aan die 2018 Nasionale Skole Mondelinge Geskiedenis-kompetisie vir die Nkosi Albert Luthuli-toekennings vir Jong Geskiedkundiges deel te neem.

2. Hierdie kompetisie is in 2005 ingestel en vorm deel van die DBO se bydrae tot die versterking van die onderrig en leer van Geskiedenis by skole.

3. Dit vorm ook deel van die DBO se voortgesette inisiatief om alle leerders aan te moedig om nie net 'n begrip van die bree geskiedenis van Suid-Afrika te ontwikkel nie, maar ook die belangrikheid van die geskiedenis van hulle plaaslike gemeenskappe te begryp. Dit is ook 'n geleentheid vir jong leerders om ondervinding in die ontwikkeling van belangrike navorsingsvaardighede op te doen.

4. Hierdie kompetisie is oop vir graad 8- tot 11-leerders en Sosiale Wetenskappe-/Geskiedenisonderwysers.

5. Kompetisie vir leerders

Van leerders sal verwag word om 'n mondelinge aanbieding oor een van die volgende onderwerpe na te vors en voor te berei:

5.1 Afdeling A: Die lewens en dryfkragvan helde en heldinne en ontdekkings oor onbesonge helde en heldinne

  1. Die wyle oud-president, Nelson Rolihlahla Mandela, is op 18 Julie 1918 gebore en het 27 jaar gevangenisstraf uitgedien omdat hy teen die blanke oorheersing, outoriteit, onderdrukking en vooroordelinggeveg het.Hy is in 1994 as die eerste swart, demokraties-verkose president van Suid-Afrika ingehuldig. In sy leeftyd het hy gestrewe na. demokratiese nie-rassige, nieseksistiese en nie-diskriminerende samelewing.Hy het gestrewe na 'n land waar almal gelykegeleenthede sou hê en met waardigheid behandel word. Tydens sy ampstermyn as die president van Suid-Afrika en daarbuite, het hy homself onbaatsugtig daartoe verbind om die lewens van Suid-Afrikaanse burgers, veral die kinders, te verbeter.

    (Die jaar 2018 is as die eeufees van die wyle oud-president Nelson Rolihlahla Mandela verklaar.Ter viering van die lewe van die wenner van die Nobelprys vir Vrede, word van leerders verwag om 'n onderhoud met 'n individu te voer wat die waardes en beginsels navolg wat wyle oud-president Nelson Rolihlahla Mandela nagestreef en in geglo het. Die geidentifiseerde individu moet betrokke wees by die bevordering van 'n nie-rassige, verenigde, nie-seksistiese, welvarende en vreedsame Suid-Afrika en vir alle burgers om te verenig in hul diversiteit.Leerders moet besin oor hoe die gekose individue se bydraes die lewens van die mense in hul gemeenskappe verbeter het.)

  2. Nontsikelelo Albertina Sisulu is op 21 Oktober 1918 gebore en op 02 Junie 2011 oorlede. Sy was 'n Suid-Afrikaanse anti-apartheidsaktivis wat oral as die Ma Sisulu of die "Moeder van die Nasie" bekend gestaan het.Weens haar toegewydheid is sy in 1954 tot 'n lid van die Suid-Afrikaanse Vrouefederasie verkies. Op 09 Augustus 1956, het sy as aktivis by 'n optog van 20 000 vroue by die Uniegebou in Pretoria aangesluit om teen die apartheidsregering se paswette te protesteer. In 1994 is sy tot die eerste demokratiese parlement verkies en op die eerste vergadering van hierdie parlement het sy die eer gehad om Nelson Rolihlahla Mandela as president van die Republiek van Suid-Afrika te benoem. Dieselfde jaar het sy 'n toekenning van wyle oud-president Mandela ontvang. Haar betrokkenheid by gemeenskapswerk sluit die vestiging van die volgende fasiliteite in:

    • 'n Skool vir kinders met spesiale behoeftes en jeugdiges met gestremdhede - ernstig / matige intellektuele gestremdheid.
    • 'n Vroeekinderontwikkelingsentrum vir leerders vanaf die ouderdom van drie jaar.
    • 'n Voedingsprogram vir behoeftige leerders.

    (As deel van die viering van die eeufees (100 jaar) van Ma Sisulu, word van leerders verwag om 'n lid van enige gemeenskapsgebaseerde organisasie of vroueaktivis op te spoor en 'n onderhoud te voer wat die waardes en beginsels van onselfsugtigheid van die heldinAlbertina Sisulu laat voortleef en 'n kampvegter vir geslagsgelykheid, toegang tot onderwys en inklusiwiteit is.Die individu moet by die verwydering en bestryding van seksuele teistering en geslagsgebaseerde geweld betrokke wees of die persoon moet by vroeekindontwikkeling of programme wat die lewens van die jeug wat fisiese of geestelike uitdagings ervaar, verbeter.)

5.2 Afdeling B: Transformasie in die nuwe bedeling

  1. My skool se geskiedenis.Hoe dit deur die demokratiese prosesse beïnvloed is wat deur die Grondwet van die Republiek van Suid-Afrika, 1996, ontstaan het sedert die koms van demokrasie in 1994.

    (Van die leerder word verwag om onderhoude met lede van die gemeenskap te voer (onderwysers, prinsipale en voormalige leerders) om vas te stel hoe die skool op demokratiese veranderinge en die aanvraag om gehalte-onderwys, deursigtige, demokrasie, nieseksistiese, nierassige en niediskriminerende beleide en administrasie oor die jare heen reageer het.)

  2. Die Naturellegrondwet, 1913 (Wet 27 van 1913) wat deur die vorige regering toegestaan is, het bepaal dat nie-blankes slegs 7% van die grond kon besit.Hierdie wetgewing het ook nie-blankes van grondbesit ontneem en was 'n voorloper van ander meer onderdrukkende wette soos die Groepsgebiedewet van 1950 (Wet 41 van 1950).

    In die aanspreek van onregte van die verlede wat deur Naturelgrondwet, 1913 (Wet 27 van 1913) ontstaan het, verseker die Grondwet van die Republiek van Suid-Afrika, 1996, gelyke toegang tot grond aan alle burgers.Volgens artikel 25(5) van die Grondwet moet "die staat redelike wetgewende en ander maatreels tref om, binne sy beskikbare middele, toestande te skep wat burgers in staat stel om op 'n billike grondslag toegang tot grond te verkry".Laasgenoemde word gesien in die konteks van eiendomsregte wat ingevolge die Grondwet van die Republiek van Suid-Afrika, 1996 beskerm word. Artikel 25 (7) bepaal dat "'n Persoon of gemeenskap wat na 19 Junie 1913 die besit van eiendom ontneem is as gevolg van wette of praktyke van die verlede wat op grond van ras gediskrimineer het, is geregtig, in die mate wat deur 'n Parlementswet bepaal word, òf op teruggawe van daardie eiendom of billike vergoeding."

    (Van leerders word verwag om onderhoude met mense in die plaaslike gemeenskap te voer wie se lewens deur die Naturellegrondwet, 1913 (Wet 27 van 1913) geraak is, asook die impak daarvan.Van leerders word verwag 'n voordrag oor die vordering saam te stel en hoe dit gewone Suid-Afrikaners bevoordeel.)

5.3 Afdeling C:Demokrasie, kultuur, erfenis en menseregte

Suid-Afrika het 'n opbloei beleef vanwat in 2008 en 2009 as algemene xenofobie beskryf is, met honderde mense, insluitende skoolkinders, wat uit hul huise verwyder is.Kommer ten opsigte van hierdie voorvalle van xenofobie is onder meer die skending van menseregte, ontwrigting van skole, geweld, aanranding en skadelike kriminele praktyke.Dis teen die Grondwet van die Republiek van Suid-Afrika, 1996, wat die regte van almal waarborg, insluitend buitelandse burgers. Volgens die aanhef van die Grondwet van die Republiek van Suid-Afrika, 1996, wat die hoogste wet van ons land is, behoort "Suid-Afrika aan almal wat daarin woon".

(Van leerders word verwag om onderhoude te voer en navorsing te doen oor 'n gemeenskapslid wat nie 'n Suid-Afrikaanse burger is nie, maarsteeds positiewe bydrae tot die sosiale, ekonomiese, opvoedkundige of kulturele erfenis van Suid-Afrika lewer en wat aan gemeenskapsontwikkelingsaktiwiteite deelneem wat juis daarop gemik is om ander mense se lewens te verbeter.)


6. Let asseblief op die volgende:

  • Die projek moet op mondelinge geskiedenisnavorsing gebaseer wees.
  • Vir inligting oor mondelinge geskiedenisnavorsing word leerders en onderwysers aangeraai om die volgende webtuistes te besoek: South African History Online by www.sahistory.org.za en die South African History Archives by www.saha.org.za.
  • Leerders moet bygestaan word in hul keuse van kandidate om mee 'n onderhoud te voer en moet ten sterkste gelei word om persone uit hul eie gemeenskap te kies.
  • Leerders moet aangeraai word om met ten minste drie of vier mense 'n onderhoud te voer.
  • Leerders moet 'n portefeulje met al hul navorsingstukke voorlê.
7. Vereistes vir leerders
7.1 Bied 'n mondelinge voorlegging aan - die oogmerk is nie dat dit 'n dramatiese voorlegging of digkuns moet wees nie.
7.2 Berei 'n portefeulje in geskrewe formaat voor wat die volgende moet insluit:

  • Bewys van navorsing - leerders moet met lede van die gemeenskap 'n onderhoud voer en in staat wees om bewyse van hul onderhoude te kan toon, byvoorbeeld:
    • briewe van persone met wie onderhoude gevoer is;
    • transkripsies van die onderhoude of bandopnames; en
    • 'n lys vrae wat aan die persone gestel is met wie hulle 'n onderhoud gevoer het en hul response - òf op skrif of digitale bandopname.
7.3 Alle geskrewe werk en aanbiedinge moet in Engels wees.
7.4 Portefeuljes moet ook bewys lewer van besinning en hierdeur moet leerders:

  • dit duidelik stel hoekom hulle die persone gekies het met wie hulle 'n onderhoud gevoer het;
  • 'n duidelike begrip toon vir die historiese konteks waarin die individu gewerk het;
  • noem hoe die inligting van die onderhoude verband hou met die historiese konteks of hoe dit ons help om die gebeure uit 'n persoonlike perspektief te verstaan;
  • 'n persoonlike besinning insluit oor wat hulle geleer het oor die moontlikhede vir individue om verandering in die samelewing mee te bring;
  • deel wat hulle persoonlik met die uitvoering van die mondelinge geskiedenisnavorsing geleer het;
  • die waarde van die mondelinge geskiedenisnavorsing deel om ons te help om ons verlede te verstaan;
  • alle bronne wat hulle gebruik het, by hulle portefeuljes insluit;
  • 'n bibliografie insluit; en
  • onthou dat plagiaat ernstig gepenaliseer sal word.
8. Vereistes vir onderwysers
8.1 Onderwysers by sekondêre skole, wat vir die kompetisie inskryf, moet 'n werkplan saamstel oor hoe hulle die mondelinge geskiedenisprojek beplan en dit in die klaskamer opgestel het.
8.2 Elke onderwyser moet sy of haar navorsing voor 'n paneel beoordelaars aanbied en gereed wees om 'n paneelbesprekingdaaroor te voer.
8.3 Onderwysers moet die volgende in 'n portefeulje vir die kompetisie insluit:

  • Hoe die mondelinge geskiedenisprojek in die klaskamer aan die leerders bekendgestel is.
  • Watter verduideliking aan leerders gegee is oor die keuses en benadering van moontlike persone met wie hulle onderhoude wil voer.
  • Hoe om vir die onderhoude voor te berei, dit te voer en die onderhoud dan as bewys te gebruik om gevolgtrekkinge oor die bydrae van daardie individue te maak.
  • Watter inisiatiewe die onderwyser gebruik het om die leerders by te staan om die projek te voltooi.
  • Wat die leerders na die onderwyser se mening uit die mondelinge geskiedenisnavorsingsprojek geleer het.
  • 'n Reeks voorbeelde van leerders se werke moet ingesluit word.
9. Proses vir die Jong Geskiedkundiges-kompetisie
9.1 Onderwysers moet leerders identifiseer en vir die uitdunrondtes binne die distrikte voorberei. Hulle moet ook seker maak dat alle leerders wat ingeskryf het, teenwoordig is en dat die nodige vervoer na en van die geleentheid gereel is, en dat die leerders vir die distriksgeleentheid gereed is.
9.2 Leerders moet:

  • hul navorsing, vraelyste, onderhoude en transkripsies vroegtydig voltooi;
  • seker maak dat hulle hul portefeuljebewyse saamgestel het;
  • hul aanbiedinge voltooi;
  • in staat wees om enige vrae oor hul projekte en navorsing te beantwoord; en
  • in staat wees om hul persoonlike ervarings weer te gee en dit te deel.
9.3 Van skole word verwag om hul registrasie by die betrokke Sosiale Wetenskappe- en Geskiedenisvakadviseurs in te dien.
9.4 Van vakadviseurs word verwag om gehalteversekering van geskrewe portefeuljes en aanbiedinge na te gaan en die distrik se eindrondtes te koördineer. Die distrikte sal vyf leerders kies wat hulle by die provinsiale kompetisie sal verteenwoordig.
9.5 Bykomende voorbereidende werksessies vir onderwysers en leerders sal deur vakadviseurs binne die distrikte gereël word. Die tye en plekke vir alle werksessies sal via die Sosiale Wetenskappe- en Geskiedenisvakadviseurs bevestig word.
9.6 Die provinsiale beoordelingsproses sal op 25 Augustus 2018 plaasvind.
9.7 Beoordelingsroosters vir onderwysers en leerders (Bylae A), 'n toestemmingsvorm vir persone met wie onderhoude gevoer word (Bylae B), en 'n evalueringsvorm vir persone met wie onderhoude gevoer word, (Bylae C), is ook ingesluit.
9.8 Die DBO sal verantwoordelik wees vir reis- en verblyfkoste vir deelnemende leerders en onderwysers tydens die nasionale kompetisie in Pretoria wat vanaf 28 September tot 01 Oktober 2018 plaasvind.
9.9 Hierby aangeheg in (Bylae D) is ’n rooster van die kompetisiedatums.

10. Registrasievorms (Bylae E) moet teen 01 Junie 2018 by die betrokke distrikskantoor se Sosiale Wetenskappe- en Geskiedenisvakadviseur ingedien word. Sien lys hieronder:

Distrik Vakadviseur Tel. E-pos Faks
Metro-Noord Suezette Engel 021 938 3014 Suezette.Engel@westerncape.gov.za 021 938 3183
Metro-Sentraal Dennis Cloete 021 514 6977 Daniel.Cloete@westerncape.gov.za 086 236 1892
Metro-Suid Rudolph Hugo 021 370 2060 Rudolph.Hugo@westerncape.gov.za 021 372 1856
Metro-Oos Luzenda Grove 021 900 7091 Luzenda.Grove@westerncape.gov.za 086 664 2631
Weskus Alex van Stade 021 860 1233 Alexande.VanStade@westerncape.gov.za 086 562 3907
Kaapse Wynland Joseph Matsau 023 348 4623 Joseph.Matsau@westerncape.gov.za 086 555 0261
Overberg Jurina Auret 028 214 7338 Jurina.Auret@westerncape.gov.za 028 214 7400
Eden en Sentrale Karoo Nomava Mapisa 044 803 8347 Nomava.Mapisa@westerncape.gov.za 086 673 8499

11. Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring.


GETEKEN: PAD BEETS
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:05:25

Bylae A: Beoordelingsrooster  (grootte: 144 KB)
Bylae B: Toestemmingsvorm  (grootte: 48 KB)
Bylae C: Etiese beoordeling  (grootte: 51 KB)
Bylae D: Projektydperk  (grootte: 55 KB)
Bylae E: Registrasievorm  (grootte: 68 KB)