| 1. |
In 2013 het die Departement van Basiese Onderwys (DBO) die Suid-Afrikaanse Nasionale Kurrikulumraamwerk (NKR) vir Kinders vanaf Geboorte tot Vier ontwikkel. Die doelwit van hierdie nasionale kurrikulum is om die gehalte van basiese onderwys te verbeter deur ’n stewige grondslag in die baie vroeë jare te lê. Dit bied leiding vir die ontwikkeling van leerprogramme en hoe om met suigelinge en jong kinders vanaf geboorte tot vier jaar te werk. Dit is op 'n verskeidenheid omgewings, doeleindes en ’n verskeidenheid belanghebbers van toepassing. Toegang tot die NKR kan via die DBO se webwerf https://tinyurl.com/m99omqf verkry word. |
| 2. |
Provinsiale departemente van onderwys is opdrag gegee om teen 2019, volgens teikens wat deur die DBO gestel is, alle voorgraad R-praktisyns in die NKR op te lei. |
| 3. |
Die Wes-Kaap Onderwysdepartement (WKOD) het provinsiewye NKR-opleiding vir alle voorgraad R-praktisyns vanaf Julie 2018 beplan. Verskillende groepe voorgraad Rpraktisyns sal ’n geleentheid gebied word om die NKR-opleiding op verskillende tye oor die volgende twee jaar by te woon. |
| 4. |
Wes-Kaapse Tegniese en Beroepsonderwys- en Opleidings- (TBOO) kolleges sal die NKR-opleiding in samewerking met die WKOD aanbied. |
| 5. |
Die werksessie sal soos volg plaasvind:
| ’n Vyf dag lange werksessie vanaf 02 tot 20 Julie 2018 08:00 tot 16:00 |
Die Julie 2018 NKR-opleiding is vir voorgraad R-praktisyns met Vlak 1, 4 en 5 en prinsipale van Vroeë-kindontwikkeling- (VKO) sentrums van geregistreerde en ongeregistreerde sentrums by die WKOD en die Departement van Maatskaplike Ontwikkeling (DMO). |
|
| 6. |
Registrasie vir die NKR-opleiding in Julie 2018 |
| 6.1 |
Die laaste registrasiedatum is 15 Junie 2018. |
| 6.2 |
Prinsipale van VKO-sentrums wat by die WKOD en die DMO geregistreer is, word genooi om hulself en hul gekwalifiseerde voorgraad R-praktisyns (wat kinders vanaf geboorte tot vier jaar onderrig) vir die NKR-opleiding by hul naaste TBOO-kollege te registreer. 'n Afskrif van elke praktisyn se VKO Vlak 1-, Vlak 4- en Vlak 5-sertifikaat moet die registrasievorm meegaan. |
| 6.3 |
Alle registrasies sal plaasvind by die TBOO-kolleges wat in Bylae B gelys is. Geen registrasies sal by WKOD-distrikskantore gedoen word nie. |
| 6.4 |
Plekke is beperk. Registrasie sal gedoen word volgens wie ook al eerste daar aankom en die WKOD en/of die TBOO-kolleges behou die reg om die volgende te bepaal:
- die verteenwoordiging per VKO-sentrum
- in watter groep die deelnemers sal val
|
| 6.5 |
Elke suksesvolle aansoekregistrasievorm sal binne tien werksdae 'n bevestiging via SMS of e-pos ontvang. Indien 'n aansoeker nie bevestiging van sy/haar registrasie ontvang nie, moet hy of sy die toepaslike TBOO-kantoor teen nie later nie as 18 Junie 2018 kontak om die stand van hul registrasie uit te klaar. |
| 6.6 |
Verversings en 'n ligte middagete sal by die werksessie verskaf word. Daar sal, so ver moontlik, aan die versoeke van deelnemers met spesiale dieetvereistes voldoen word; gedelegeerdes word egter aangeraai om vir hul eie spesiale/addisionele behoeftes voorsiening te maak. |
| 6.7 |
Geen vervoersubsidies sal betaal word nie. Daar word dus aan die hand gedoen dat deelnemers by hul naaste TBOO-sentrum aansoek doen. |
| 6.8 |
Die aangehegte registrasievorm (Bylae A) moet voltooi en teen nie later nie as 31 Mei 2018 aan die toepaslike TBOO-kollege terugbesorg word. |
| 7. |
Alle navrae aangaande registrasie vir Julie 2018 moet aan die toepaslike TBOO-kollege, gelys in Bylae B, gerig word. |
| 8. |
Ná hierdie vyf dag lange werksessie, word daar van alle deelnemers verwag om weer na hul daaglike programme, asook hul leerprogramme, te kyk om seker te maak dat dit in lyn met die NKR gebring is. |
| 9. |
Die WKOD, saam met die TBOO-kolleges, is daaraan toegewy om NKR-opleiding van gehalte aan alle geregistreerde deelnemers te bied. |
| 10. |
Prinsipale van VKO-sentrums wat by die WKOD en/of die DMO geregistreer is, word versoek om hierdie minuut onder die aandag van alle voorgraad R-praktisyns met VKO Vlak 1-, 4- en 5-praktisyns te bring om seker te maak dat hulle die geleentheid gebied word om die eenmalige opleiding in Julie 2018 by te woon. |
GETEKEN: T SINGH
WAARNEMENDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:04:20
|
 |