1. Die National Schools Debates competition is 'n projek wat deur die South African Agency for Science and Technology Advancement (SAASTA) geborg word. Die kerndoelwitte van die debatkompetisie is om:

  • grade 9- tot 11-leerders aan te moedig om wetenskaplike kwessies wat in hul gemeenskappe, provinsiaal en nasionaal ervaar word, te ondersoek en te bespreek hoe wetenskap en tegnologie hierdie probleme kan oplos, al dan nie;
  • wetenskaplike inligting op 'n prettige en interaktiewe wyse aan hoerskoolleerders te versprei om belangstelling te prikkel; en
  • wetenskap-, ingenieurswese- en tegnologie-verwante loopbane onder leerders in Suid-Afrika te bevorder om hulle aan te moedig om loopbane in hierdie velde te volg.
2. Die kompetisie is oop vir alle leerders wat wetenskapverwante vakke in grade 9 tot 11 van alle kwintiel 1, 2, 3 en 4 sekondere skole/hoerskole neem wat:

  • in die ontwikkeling van hul wetenskaplike navorsing en in inligtingsgeletterdheidvaardighede belangstel;
  • kritiese denkers is; en
  • bereid is om as 'n span saam te werk om logiese en duidelike argumente aan te bied.
3. Die SAASTA Schools Debates-struktuur laat debatteerders toe om met mekaar te beraadslaag en na 'n gesamentlike oplossing te beweeg. Die mini-imbizos is een van die interessanteste byeenkomste waar leerders met mekaar in wisselwerking kan tree en idees deur middel van wegbreekbesprekings kan deel en deur sosiale media te gebruik.

4. Om vir hierdie kompetisie in te skryf, moet skole:

  • vyf leerders van grade 9 tot 11 identifiseer om . span te vorm om die skool in die debatkompetisie te verteenwoordig;
  • 'n mentor (onderwyser) identifiseer om die leerders op te lei/af te rig; en
  • die voltooide inskrywingsvorm per e-pos na debates@saasta.ac.za te stuur (die inskrywingsvorm is as Bylae 1 aangeheg).
5. Die skole wat vir die kompetisie ingeskryf het, sal genooi word om aan die vaardigheidsoordragwerksessie deel te neem wat op Saterdag 19 Mei 2018 deur SAASTA aangebied sal word om:

  • leerders met kommunikasievaardighede toe te rus;
  • hul selfvertroue te verskerp om hulle idees aan te bied; en
  • belangstelling onder leerders te stimuleer om loopbane op die terrein van wetenskap, ingenieurswese en tegnologie (WIT) te bestudeer deur navorsing oor hoevlakonderwerpe te doen en daaroor te debatteer.
6. Van die ingeskrewe spanne word verwag om 'n openingspraatjie en 'n afsluitingsargument van twee minute elk oor die onderwerp te lewer wat op Saterdag 19 Mei 2018 by die provinsiale werksessie aangebied sal word. Opleidings- en debathandleidings sal by hierdie werksessie beskikbaar gestel word.

7. Die top tien skole wat tydens hierdie opleidingsessie geidentifiseer word, sal dan op Saterdag 26 Mei 2018, aan die provinsiale debatkompetisie deelneem waar die spanne teen mekaar sal meeding. Hierdie kompetisie word deur 'n provinsiale beoordelaarspaneel beoordeel.

8. Indien skole meer inligting verlang, kan hulle die SAASTA Schools Debates Competition se webwerf besoek by www.saasta.ac.za.

9. Sperdatum vir inskrywings is Dinsdag 8 Mei 2018 om middernag.

10. Die skool wat die provinsiale top tien-debatkompetisie wen, sal op Vrydag 05 Oktober 2018 die provinsie by die nasionale eindrondte verteenwoordig.

11. Dit is noodsaaklik om talent vir wetenskap in ons skole te erken, te koester en aan te moedig.

12. Die Wes-Kaapse Onderwysdepartement (WKOD) moedig skole aan om ywerige Wetenskap-leerders in grade 9 tot 11 vir die 2018 National Schools Debates competition in te skryf.

13. Prinsipale word vriendelik versoek om die inhoud van hierdie minuut onder die aandag van alle tersaaklike personeellede te bring.


GETEKEN: T SINGH
WAARNEMENDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2018:04:18

Bylae 1: "2018 SAASTA National Schools Debates entry form"  (grootte: 249 KB)